泰贊- 創意泰餐廳 (Closed)

Long weekend 同女朋友去青衣行街，食飯。但係回想起原來是今次是一生中第二次黎青衣。商場內都係大路野，冇乜睇頭，我地順便就係商場內搵食。So Thai So Good 印象中未系其他大型商場見過，可以試吓。掃完安心后，店員叫我地自己搵位，完全冇意途帶位，雖然當時有頗多位，但都唔應該咁。打開餐牌，一看下原來是某大飲食集團經營，難怪吾休做，定係做又三十六…..唸好食乜就搵店員落單，又係木冇表情，十分 cool , 點左兩個小食都話冇，真係令人火上加油！點好菜后，上菜速度非常迅速，十分內齊晒，其實唔知道好定唔好。泰式辣肉碎生菜包$78惹味、辣度剛好，加入了檸檬草和香茅令味道更有層次，生菜爽口，份量也多，不錯。肉碎炒四季豆又係香口、惹味，醬汁非常濃味；四季豆爽脆，十分索味，淨食較咸，應該叫碗白飯。泰式鮮蝦炒金邊粉 $105夠份量，金邊粉吾會痴埋一舊舊，材料足，大蝦有三大粒，爽口但欠鮮甜，還有豆乾、蛋花、銀芽、韮菜等，味道我覺得可以落茄汁多小小，令酸昧多些提升整體味道。食物合格，價錢合理，服務零分。