備長

Open Now

Now Closed

我前兩個星期和幾位朋友去這一間日本野到試下....我幾位朋友到先我遲左去...之後我好肚餓之下...睇圖片選食物...我嗌左一個價值$25的雜錦魚生飯吃...我問個待應有幾大碗...點知個待應冇答我走開左...我再叫第二個待應過黎再叫多次...再問佢有幾大碗...(我都係睇下有幾大碗...睇下仲需唔需要叫多d野吃)...點知個待應話佢唔知有幾大碗...之後幫我落左單....等左一陣碗傳說中的雜錦魚生飯到啦!!!!嘩...真係比個碗野嚇親....細碗到呀,一隻杯仲大過個碗....個女經理行過黎我好悔氣咁同佢講...佢竟然黑面之後唔睬我走左去...都唔知咩野服務態度仲要做經理...我吃兩啖碗飯就吃完啦...全程再冇心機食...寧願唔食都唔想係依間野到食咁既服務質素...d魚生仲要唔新鮮!!!我朋友之前落左order叫左個牡丹蝦sushi...我見到碟野黎....真係眼都凸左出黎隻蝦竟然仲細隻過甜蝦,真係講都唔信!!隻蝦同街市買果d白灼蝦一樣size...真係估唔到咁既收費咁既水準咁既服務態度....真係唔食好過食!!(果次唔記得影幅相真係好嚇人)