Video
Read full review
2021-04-12
92 views
今個復活節沒有開PARTY食大餐, 只係簡單過休息下, 所以假期過後, 今晚決定食得邪惡D - 打邊爐 (每次打親邊爐都會比平時食得再飽好多, 又熱氣)。好難得遇到有餐廳所有員工都咁有禮貌, 火鍋隨意門的服務態度要比滿分。一到火鍋隨意門已經印象大好, 雖然我地只得兩個人, 但店員都安排一張6人枱比我地(有好多餐廳都好鍾意將客人迫埋一齊坐, 但由到達到離開間餐廳都唔FULL)。 火鍋隨意門算是一間打卡火鍋店, 裝修精緻有心思。運用極具土耳其風味的馬賽克燈, 座墊和壁畫🇹🇷帶給客人有恍如置身異國用餐的氛圍。我地點左花膠雞湯鍋, 手切🔪頂級安格斯牛肉(細), 桂花蚌, 黑松露蟹肉餃(4粒), 鹹蛋黃炒響鈴, 粟米同竹蔗茅根。下午5:30入座有68折。花膠雞湯鍋 - 推介必點, 花膠厚身滑嘟嘟, 雞湯鮮味濃郁, 好少有湯底我係由頭飲到尾, 好多時都只係未開始淥野食之前飲兩啖。安格斯牛肉 - 牛味濃郁, 雪花纹分佈均勻, 肉質厚實有咬口但一D都唔韌。桂花蚌 - 自從食過成都老碼頭火鍋既桂花蚌之後好掛住, 所以決定以後打邊爐可以嗌海鮮既話桂花蚌
好難得遇到有餐廳所有員工都咁有禮貌, 火鍋隨意門的服務態度要比滿分。
一到火鍋隨意門已經印象大好, 雖然我地只得兩個人, 但店員都安排一張6人枱比我地(有好多餐廳都好鍾意將客人迫埋一齊坐, 但由到達到離開間餐廳都唔FULL)。
火鍋隨意門算是一間打卡火鍋店, 裝修精緻有心思。運用極具土耳其風味的馬賽克燈, 座墊和壁畫🇹🇷帶給客人有恍如置身異國用餐的氛圍。
我地點左花膠雞湯鍋, 手切🔪頂級安格斯牛肉(細), 桂花蚌, 黑松露蟹肉餃(4粒), 鹹蛋黃炒響鈴, 粟米同竹蔗茅根。下午5:30入座有68折。
花膠雞湯鍋
11 views
0 likes
0 comments
花膠雞湯鍋 - 推介必點, 花膠厚身滑嘟嘟, 雞湯鮮味濃郁, 好少有湯底我係由頭飲到尾, 好多時都只係未開始淥野食之前飲兩啖。
手切頂級安格斯牛肉
6 views
0 likes
0 comments
安格斯牛肉 - 牛味濃郁, 雪花纹分佈均勻, 肉質厚實有咬口但一D都唔韌。
4 views
0 likes
0 comments
桂花蚌 - 自從食過成都老碼頭火鍋既桂花蚌之後好掛住, 所以決定以後打邊爐可以嗌海鮮既話桂花蚌係必點。火鍋隨意門既桂花蚌雖然無成都老碼頭咁大塊厚肉, 但都非常新鮮爽脆。
黑松露蟹肉餃 - 好味, 啖啖蟹肉配上香濃黑松露醬, 真材實料, 最重要無落到我唔鍾意既薑, 蔥, 芹菜等食物香料。太好喇。
鹹蛋黃炒響鈴 - 呢個又係好味, 響鈴非常香脆, 加入鹹蛋黃更添惹味。
粟米 - 好好味, 自己街市買都未必買到咁甜既粟米。
竹蔗茅根
16 views
0 likes
0 comments
竹蔗茅根 - 裝竹蔗茅根既器皿好靚之餘份量又多, 非常清甜解渴。
終於搵到一間可以ENCORE既火鍋店喇。
Post
