心之食堂 (Under Renovation)

耀華街百樂中心有好多餐廳，心之食堂係其中一間樓上餐廳，主打日式料理，適合三兩知己食下嘢傾下計。我地今晚主要食刺身類，飲下嘢，都幾好hea。首先黎兩件邪惡包（$38/件）用帶子包住鵝肝，一濃一淡嘅配搭，真係夠晒邪惡！彩虹卷 （$68）賣相幾好，內有炸蝦、青瓜、牛油果，外層以包住蟹子、魚鬆粉同黑魚子，小巧精緻，一人兩件剛剛好。海膽（$48/份）一人一份海膽，用紫菜包住黎食，同邪惡包一樣咁邪惡！牡丹蝦（$48/隻）大大隻蝦夠鮮甜，如果可以炸埋個蝦頭就更perfect了！大赤蝦（$38/隻）相對牡丹蝦細隻少少，不過蝦肉都算鮮甜，唔錯喔！估唔到我地主要食刺身類，傾下計又渡過開心一晚！