潮樓 (Closed)

今日同同事去飲茶食LUNCH. 雖然在機場返左兩年工, 但都係一次去機場這個潮樓. 平時都係去皇室堡的稻香, 後來食吓食吓覺得稻香的水準差左, 又改去同一集團但較高檔次的時代廣場的鍾菜.機場潮樓的點心款式其實同出面的集團的茶樓大同小異, 只是價錢貴啲. 但都理解, 因為話晒機場食嘢都會貴啲. 但食物的水準又真係我食過的最差的一間分店.1 叉燒包: 包本身唔鬆軟, 有點韌. 裡面的餡只是吃到一堆暗紅色的杰醬汁, 找不到幾粒叉燒粒!2 奶皇包: 點心紙上寫的是軟滑奶皇包, 跟出面稻香的流沙奶皇包唔同. 包來了, 一口咬落去果然不流沙, 失望. 但最慘係加了我最憎的椰汁味. 即刻放棄唔食.3 帶子蝦腸粉: 腸粉支皮都算滑. 但蝦和帶子冇味. 4 怒漢燒賣: 唔知點解起個名叫'怒漢燒賣'. 上面的蝦唔大隻又唔新鮮, 下面的豬肉都係唔新鮮, 但下的味精就好勁.5. 白菜瑤柱餃: OK, 隻餃都幾大隻, 料多而味道都唔錯, 餃皮都唔厚.6. 炸雲吞: 雲吞皮上仲盛著油! 炸物的工夫差.7. 山竹牛肉球: 這個是今餐最OK的. 我一向都鐘意稻香的牛肉球, 而這裡的跟出面的分別不大.另外, 這間分店的