Chao Inn

呢間係機場嘅潮樓，咁岩想食野又見到呢間。就入左去飲早茶。早茶無我睇中左嘅梅糕骨，就唯有叫左好多點心。呢間啲皮蛋瘦肉粥無皮蛋，不過啲粥都算綿。腸份嘅皮都比較厚，好似有啲overcooked。混醬腸粉啲醬又幾好味。馬拉卷有啲酸酸地，可能隔夜唔新鮮。煎堆有啲芋泥係入面都算驚喜。其他食物都不過不失，唔算好好味，但都夠填飽肚子。茶方面特濃鐵觀音都幾香，飲得過嘅。…Read More

每次出國前必定響機場美食廣場食完嘢先上機，今次時間充足，可以去飲個下午茶。機場二號客運大樓有間潮樓，朋友仔響機場返工，緊係搵埋佢落嚟飲茶仲有機場員工8折鹵水拼盤 $128 - 好正 份量多款式多，味道亦唔錯。 阿姐好好人，我地問拼盤有無豬大腸，佢答「無，係咪想食？係嘅話我寫低你地要豬腸」 跟住真係加咗俾我地蝦餃 - 蝦都幾彈牙，唔錯。燒賣 - 一般般，我唔太鐘意有太大陣香菇味 隻蝦依然新鮮彈牙。牛肚 - 好味，夠淋，入味。豬肚燒賣 - 呢個非常難食 個樣仲好醜怪... 三個人飲茶，員工折後$90一位。由於個鹵水拼盤出色，今次都俾返個哈哈笑:)你啦！…Read More

去機場接屋企人機，佢地去完旅行，番到黎好多飲茶，近近地就黎左二號客運大樓到飲荼。咁岩食LUNCH 時段，人流好多，坐滿人都要等位，仲有唔少機場職員係到食飯，先留意到原來機場職業憑職員證會有折。叫左D平常屋企人都中意食既點心，食物既選擇都幾多，仲有滷水，雙拼$60 。上點心既速度都幾快，味道不過不失。蘿蔔糕煎得幾香，奶黃包有流心效果，粥既肉丸味道有D怪，腸粉既料較少，其他都唔錯。貴錢偏貴，另外飲樓環境有D小昆蟲係到飛黎飛去，不過都係機場環境既問題。…Read More

機場對卡員工黎講無乜選擇，唔想食快餐店同燒味，唯有約埋啲同事叫送食飯晚市有40蚊既職員餐，包飯同菜，湯就加5蚊咁岩戈日無菜賣，變左做青瓜。但因為啲青瓜出水，啲芝麻醬變得好稀。沙薑雞，唔錯，約夠味又滑身，有脾位有翼位咕嚕肉，外賣黎講啲咕嚕肉唔脆就一定咖喇，啲青椒好甜好味黑松露忌廉魚柳，個味好好食，個汁用黎撈飯一流。缺點係魚柳太大舊但成三定四舊，如果多啲人食就會比較尷尬。湯都有叫但無影到，味精湯黎講佢都唔算系好味精，都可以一試既…Read More

前排去旅行，搭朝早機✈️，朋友想喺飛之前食個港式早餐🥢🇭🇰，所以決定一齊去飲茶！眼見酒樓都幾多食客，估計唔會伏！😂 我哋一坐低就叫咗壺茶，跟住就剔點心紙📝，總共叫咗1個粥同3款點心，上菜速度都幾快，好快就開餐了。·🔸 茶 — 香片·🔸 香茜叉燒腸粉 （大點）腸粉夠滑，香茜同叉燒夠香，淋上豉油，一流！·🔸 潮煎蘿蔔糕 （中點）蘿蔔糕煎得好香口，我喜歡就咁食，而朋友就鍾意點辣醬食，各有喜好。·🔸 奶皇馬拉卷 （$18.8）奶皇呈半流心狀態，趁熱食好正！·🔸 皮蛋瘦肉粥（$22.8）好足料，雖然細細碗粥，但都算多皮蛋，瘦肉切成幼絲，口感唔錯。·機場嚟講，每人$50有找，算唔太貴，野食都幾好味，下次嚟機場可以再食！…Read More