Video
Read full review
2025-06-27
0 views
最近食過最好食嘅火鍋，絕對要數呢間！真係食完都念念不忘！😋✨必試湯底：翅群花膠雞鍋（$228）🐔🥣見佢餐牌寫住 No.1 湯底，梗係要試吓啦！個湯底味道超濃郁，飲得出有翅嘅鮮味，真係真材實料煲出嚟嘅！隻雞都幾特別，唔係平時嘅生雞件，而係熟咗嘅白切雞。放落湯度滾完之後，肉質依然嫩滑，好高質！🐥特別鍾意呢個湯，兩個人食已經好夠，因為隻雞本身就係一道餸！就算放耐少少都唔會柴，可見選材好靚。花膠湯底鮮甜濃郁帶膠質，滾起之後轉細火慢慢淥其他料，食到差唔多尾聲再飲返碗，嗰種漿口嘅花膠湯口感真係極品！最重要係飲完唔會口渴，勁滋味！👍✨招牌推介：霜降手切頸脊肥牛（小）（$238）🐮🥩呢個手切牛頸脊，叫細份都好大碟！啲牛肉真係好靚，肥得嚟又有好濃牛味。雖然係肥牛，但又唔會覺得好多油，淥完之後個湯底都仲係好乾淨！軟腍嘅口感，真係一試難忘！火鍋配料：樣樣都高質！💯▪️ 即炸響鈴（$48） 💥 佢哋嘅響鈴係即叫即炸㗎！攞上枱仲係熱辣辣，勁酥脆！可以當小食咁食，點埋跟嚟嘅酸酸地嘅醬，好好味！放落湯度淥幾秒又係另一種口感，正爆！😋▪️ 手打牛丸（$37/半份） 🥢 呢個生牛肉丸係我至愛！淥大約七分半鐘食，最彈牙、肉汁
✨必試湯底：翅群花膠雞鍋（$228）🐔🥣
見佢餐牌寫住 No.1 湯底，梗係要試吓啦！個湯底味道超濃郁，飲得出有翅嘅鮮味，真係真材實料煲出嚟嘅！隻雞都幾特別，唔係平時嘅生雞件，而係熟咗嘅白切雞。放落湯度滾完之後，肉質依然嫩滑，好高質！🐥
特別鍾意呢個湯，兩個人食已經好夠，因為隻雞本身就係一道餸！就算放耐少少都唔會柴，可見選材好靚。花膠湯底鮮甜濃郁帶膠質，滾起之後轉細火慢慢淥其他料，食到差唔多尾聲再飲返碗，嗰種漿口嘅花膠湯口感真係極品！最重要係飲完唔會口渴，勁滋味！👍
✨招牌推介：霜降手切頸脊肥牛（小）（$238）🐮🥩呢個手切牛頸脊，叫細份都好大碟！啲牛肉真係好靚，肥得嚟又有好濃牛味。雖然係肥牛，但又唔會覺得好多油，淥完之後個湯底都仲係好乾淨！軟腍嘅口感，真係一試難忘！
火鍋配料：樣樣都高質！💯
▪️ 即炸響鈴（$48） 💥 佢哋嘅響鈴係即叫即炸㗎！攞上枱仲係熱辣辣，勁酥脆！可以當小食咁食，點埋跟嚟嘅酸酸地嘅醬，好好味！放落湯度淥幾秒又係另一種口感，正爆！😋
▪️ 手打牛丸（$37/半份） 🥢 呢個生牛肉丸係我至愛！淥大約七分半鐘食，最彈牙、肉汁最豐富！點少少辣椒豉油食，勁惹味！
▪️ 水餃（$38/半份） 🥟 叫咗鳳城水餃，大大隻，餡料超豐富，要分兩啖先食得晒！
▪️ 鍾華記生麵（$35） 🍜 見餐牌有相話推介，就叫咗份嚟試吓。淥幾秒就食得，加埋水餃一齊食，勁有雲吞麵 Feel！
▪️ 野菌什菜盤（$68） 🥬🌽🍄 想食菜又唔知揀邊樣，叫呢個什菜盤就啱晒！有齊菇類、菜同粟米，款式夠齊全，啱晒我呢啲選擇困難症！
總結
呢餐火鍋真係好滿意，特別係湯底同牛頸脊，令人想再 Encore！
Post
