麻辣風雲 (荃碧大廈) (Closed)

唔知大家有幾耐冇喺香港食酸菜魚呢？自從好耐無返過大陸，就好少喺香港食到酸菜魚🥺 上個月，朋友帶咗我去食一間喺荃灣嘅川菜館，不單止有酸菜魚食，仲要係黃店添呀！之後睇返，原來間野係ToNick嘅恆仔有份開嘅😳雖然去食川菜，但係竟然見到我最愛嘅雞絲粉皮，當然都要嗌返份食🥰 估唔到佢嘅雞絲粉皮同一般喺上海舖食嘅唔同，佢嘅醬汁並非只有麻醬同花生醬，仲加咗少少四川辣椒，食起上嚟有川菜嘅味道，辣辣哋咁，好惹味！ 而雞絲、青瓜同粉皮就正正常常，最出色嘅都係佢個醬汁😚嚟到呢度，幾乎每一枱都會嗌酸菜魚，似乎係呢度嘅必食招牌菜😋 而我哋亦都嗌左一份，份量非常大！裏面除咗魚塊之外，仲有唔少料，有豆卜、萵筍、芽菜同寬粉😌 食酸菜魚我習慣咗會飲幾啖湯，不過佢個湯就偏油膩，但係就好重麻味，會令人越飲越想飲🤩 啲魚嘅份量真係幾多，食極都有，仲要幾滑添！另外，見到佢個粉絲焗蜆做緊推廣，只需要加$8.8就有一小份，份量雖小，但係又幾好食喎🤤 啲蜆雖然細細隻，但用辣椒同蒜焗完之後非常惹味，而啲粉絲煮得啱啱好，同樣都係非常入味😍 呢道菜如果有正常份量就好啦，啱晒我呢啲重口味人士😛我哋為咗解辣，仲嗌左菊花蜜飲，估唔到佢係用一個