Video
Read full review
2020-06-03
124 views
要講深水埗嘅美食，當然要介紹福華街啦。呢度有各式各樣嘅餐廳，今次食越南嘢，感覺良好，職員幾禮貌。雖然坐側邊，但係職員細心安排咗隔離空凳畀我哋放置物品，而且每張枱都放置咗消毒酒精，非常貼心。越式凍撈檬，可以加配料，加咗豬肉片同埋脆蝦卷。撈檬份量多，加埋特製撈檬汁，口感豐富。豬肉片比較出色，切到好薄，值得一試。朋友點咗火車頭套餐，七十幾蚊，係重點推介，招牌牛骨湯餚製，內含牛肚、牛筋、牛輾、牛腩片等等，非常香口，加埋個湯，一定要細心品嚐，仲有豆卜同埋生菜，較為健康。小食方面有三件牛油蒜香雞翼。外皮鬆脆又唔算太油膩，賣相都幾特別因為用個架裝著。燒帶子明蝦涼拌茄子，一共有兩件。個人鍾意食蝦，所以揀咗呢款，配搭比較特別。蝦仁紙米卷，外皮非常薄，唔會話一食就覺得好滯，加埋個汁，係開胃嘅前菜選擇。嘢飲方面，有鹹檸梳打同埋青檸梳打，跟餐加八蚊。食越南嘢總要有杯凍飲先似樣。整體感覺唔錯，埋單180幾算係幾抵食。
越式凍撈檬，可以加配料，加咗豬肉片同埋脆蝦卷。撈檬份量多，加埋特製撈檬汁，口感豐富。豬肉片比較出色，切到好薄，值得一試。
朋友點咗火車頭套餐，七十幾蚊，係重點推介，招牌牛骨湯餚製，內含牛肚、牛筋、牛輾、牛腩片等等，非常香口，加埋個湯，一定要細心品嚐，仲有豆卜同埋生菜，較為健康。
小食方面有三件牛油蒜香雞翼。外皮鬆脆又唔算太油膩，賣相都幾特別因為用個架裝著。
燒帶子明蝦涼拌茄子，一共有兩件。個人鍾意食蝦，所以揀咗呢款，配搭比較特別。
蝦仁紙米卷，外皮非常薄，唔會話一食就覺得好滯，加埋個汁，係開胃嘅前菜選擇。
嘢飲方面，有鹹檸梳打同埋青檸梳打，跟餐加八蚊。食越南嘢總要有杯凍飲先似樣。整體感覺唔錯，埋單180幾算係幾抵食。
Post
