越萊 (福榮街)

Open Now

Now Closed

下班总想吃点没负担又满足的好味道，看了只能去吃pho，这家躺在我收藏级好久！😚终于来了！🔥越莱精选火车头🍝巨巨巨大一碗，生牛肉，牛腩，牛筋，牛丸，鸡丝，扎肉，吃配菜都可以吃饱的大大碗，汤底鲜美，河粉爽滑，不要太满足🔥咖喱牛肋肉煎蛋饭🍳咖喱好入味，牛肋肉很入味，软而不烂，配上煎蛋饭，1sZ愈打工人的疲惫🔥越莱鸡肉串烧🍖每次吃pho都要点串烧，这家鸡肉串烧算得上分量足 味道好 酱料够有料🔥带子明虾拌茄子🍆好像只有在越莱的菜单见到这个搭配，意料之外的好吃😋吃完才发现还有自选捞檬，看来该越下次再吃啦！

試過好多間越南菜，越萊是我經常光顧的食堂，今晚再次光顧，我的至愛牛萊了，大大碗款料多樣性，味道保持水準，牛筋牛腩蘿蔔都很冧很入味，今晚選了檬粉，配以清甜的湯底，忍不住喝多两口。香茅猪扒充滿肉汁，遠遠已聞到香味、肉質軟糯、沒有乾爭爭，好好味，值得一讚。沙爹雞肉串，選用滑雞脾肉，燒得剛剛好，雞肉仍保持肉汁，沾上沙爹花生醬好好食。再來碟油菜心，一點也不馬虎，蒜香加油潤，翠綠爽甜，不像一般水煑的油菜，淡而無味。厨師好用心去對待食材，給你一個讚!好滿意的一頓越南菜。

飲品裡面有蟲喔，即時知會咗一位女侍應，女侍應知道後通知疑似係老闆嘅收銀男士，但佢冇理會冇處理，個感覺唔太良好唯有以後唔再幫襯，街坊住喺附近，不嬲間唔時都會幫襯吓，所以今次都幾失望

位置好好搵，地鐵站出黎行兩步就到味道係東南亞口味，酸辣爽口，呢個天氣食真係好正‼️價錢💰都算幾實惠下-招牌越式河粉"牛莱了"真的超级足料！！正宗越式口味，酸酸辣辣的口感很清爽-红酒烩牛尾Q每块肉都超级大块，而且炖得软烂入味-马拉盏炒通菜Q和平时家里炒的味道不同，很有东南亚feel，真的好吃-秘制鱼露鸡腿看着像白切鸡，但是是酸辣口味，感觉很清爽很好吃

呢间越式食堂真系平靓正！必试招牌牛莱汤粉，汤底浓香带牛骨甜味，牛肉份量多到满泻！牛筋焖到淋滑入味，牛丸一咬爆肉汁，嗦埋弹牙河粉超满足～记得挤柠檬汁提鲜，成碗即刻醒神晒！小食惊喜十足：🦐河内虾米卷 - 米纸透薄包住爽甜虾仁+滑溜粉丝，点埋秘製酸辣汁，食落fresh到爆！🐓自家製鱼露鸡髀 - 肉质嫩滑爆汁，鱼露咸香渗透每啖肉，食完想encore！🍆带子明虾茄子 - 海鲜弹牙茄子入味，酱汁层次丰富好过瘾！🥪法式猪扒包 - 猪扒厚切脆嫩多汁，包身烘到微脆，咬落咔吱声正到痹！环境简约有越南风情，店员手脚快又贴心，人均$60-80食到捧住个肚走，街坊饭堂之选！呢间越式食堂真系平靓正！必试招牌牛莱汤粉，汤底浓香带牛骨甜味，牛肉份量多到满泻！牛筋焖到淋滑入味，牛丸一咬爆肉汁，嗦埋弹牙河粉超满足～记得挤柠檬汁提鲜，成碗即刻醒神晒！

這間位於深水埗的越萊 真的是一間讓人驚喜的越南餐廳，無論是飲品還是主食，都讓人吃得心滿意足。先來講講這杯 椰汁紅豆冰，底部的紅豆軟綿，甜度剛剛好，搭配上帶點香甜的椰奶，入口香濃滑順，完全沒有膩感。椰汁的獨特風味帶來一絲絲的回甘，配上碎冰一起喝，清爽又解渴。大熱天來一杯，簡直是一大享受。來到越南餐廳，怎能不試試經典的 火車頭湯粉？這碗真的沒讓我失望。湯底鮮甜，帶著牛骨慢熬的醇厚，喝起來不過鹹，真的可以一口接一口地喝光。牛肉的部分也很用心，有生牛肉、牛筋、牛丸等，每一種口感都各有特色。牛丸彈牙多汁，牛筋軟糯不膩，最讓我驚喜的是生牛肉，切得剛剛好，稍微泡一下熱湯就剛好熟透，嫩滑又帶牛肉香。再配上爽口的洋蔥絲，味道層次更加豐富。這次完全沒有踩雷，不管是飲品還是湯粉，水準都很高，價錢也算合理。如果你在深水埗想找一家高質的越南餐廳，這裡一定值得一試！

每次想食清清地嗰排，就會諗起呢間可以話係我深水埗嘅越南食堂呢間都幫襯過幾次最主要係佢個越南pho好好食今次都係叫返自選雙餸越南粉 $58揀咗牛骨湯 牛筋 生牛肉 檬粉每份越南粉都會配芽菜、九層塔、辣椒、青檸可以自己決定加唔加落去但係我就一定會加晒 家完之後成碗嘅香氣都升咗一層次尤其九層塔超新鮮超香連埋啲洋蔥一齊食，又有咬口又惹味湯底濃郁 唔會死鹹 又唔會好油仲要咁耐以來都冇減過份量無論係檬粉定係生牛肉/牛筋都好多食極都仲有補蛋白質一流越式雞扒蛋飯 $62呢個同香港既蔥油豬扒飯一樣聽落平平無奇但係往往就係雞油香+豉油飯+太陽蛋呢個會變成一個神奇組合令到人食唔停口雞扒都係好大塊 煎到好Juicy最鍾意佢啲醃白蘿蔔醃菜食食吓嫌唔夠白飯添😂😂😂送既熱菜蜜唔會勁甜 好潤喉 係兒時食茶記嘅味道

今晚陪男友吃飯，因為日頭食得太飽，我淨係嗌杯嘢飲，而男友就食越南湯河越南咖啡雪山 跟餐+$24造型都ok，雪山係沙冰，驚喜嘅係咖啡幾順滑，加左煉乳，甜甜嘅，幾好飲手切牛柳河 $88牛柳份量都幾多，幾大塊，比較軟稔，仲有索哂湯汁嘅白蘿蔔！仲配左菜心苗一碟，健康又抵食！落左芝麻，都幾香男友飲檸樂，跟餐$15，不過因為我杯野飲跟左餐，另嗌就$30呢間都幾多人，除左堂食，唔少嗌foodpanda、外賣，睇嚟都係晚飯嘅一大選擇！

以前都有食過覺得好食！噚日放假同屋企人老遠走去食個下午茶啦！我叫魷魚沙律🥗配柚子汁，牛油雞翼，凍啡！成份野除咗柚子汁甜味乜味都冇，魷魚好似咬緊膠圈，都算。半夜開始痾，成晩冇瞓覺，痾到而家，仲痛緊！全日係張床同厠所活動，冇得賴架，因為食完頂胃我冇食過其他野！直至痾之前只係飲過支維他水。本身唔想多事，但今次好深刻，起碼痾咗二十次！希望老闆見到！你自己都食下，交D咩嘢俾客人食！😡好彩嘅就係得我一個痾，屋企人冇事！

有人大病初愈，同佢嚟深水埗行下，順便嘆番個下午茶餐。見到附近有間越南餐廳，反正好耐無食過越南菜，一於試下。門面好養眼，以湖水藍為主調，配以一室淺木檯櫈，裝潢簡約明亮，感覺開揚舒適。下午茶餐選擇豐富，有小火車頭、包類、湯粉及撈檬等，全部都會跟一款熱飲或凍飲，如果想轉特飲，亦只需另+$8。點左客越萊小火車頭 ($62)，原來份量一啲都唔少，有生牛肉、牛腩、牛筋、牛丸、扎肉、豆卜、雞絲同唐生菜，另外仲有白蘿蔔、洋蔥、芽菜及蔥花等，非常足料，絕對可以用大堆頭嚟形容。湯底味道好香濃，飲完唔會有口渴感覺。牛肉鮮嫩不韌；牛丸彈牙爆汁，檬粉韌性十足，就連蘿蔔都超吸湯！另外呢客越式傳統豬肝醬手切扎肉包 ($46)  賣相亦非常吸引，麵包超軟熟，配料有札肉、甘筍和青瓜等。扎肉厚切有口感，配埋豬肝醬，食落充滿油脂香。跟餐小食揀左網皮春卷，即叫即炸，新鮮熱辣，香脆可口。加左份潘良帶子明蝦伴茄子 ($42)，帶子外香內嫩、明蝦彈牙爽口，加埋軟熟嘅茄子，再淋上黃金比例嘅魚露，提升鮮味。跟餐飲品點左凍柑桔蜜，酸甜度適中，消暑解渴；另外呢杯熱生薑茶亦真材實料，暖胃健脾。

大家好今日到了深水埗福榮街越萊食午餐這間店就在高登電腦商場對面主要係食越南河粉甘我就叫一碗牛萊了要左河粉這碗粉各種牛都有包括牛丸 牛腩 牛肉 牛展 牛筋其中牛筋炆得幾腍牛丸就似係手打有肉汁果一種牛腩用既部份都幾靚 無乜肥膏但有少少筋膜果種不過個牛肉湯都好清甜有牛味無乜味精果隻仲有些芽菜同九層塔一齊食跟個河粉+$8要左凍越南咖啡都幾大杯同有越南咖啡既風味小食叫左三岐珍寶蝦仁春卷春卷炸得幾香脆同肉量都幾多仲有青瓜 生菜 九層塔可一齊食仲有醬汁跟埋總括呢間店牛肉湯河都幾出色

其實餐廳食物味道係可以嘅，但好唔好彩俾我見到唔想見到嘅嘢.....可能好多人都會覺得眼不見為淨，可惜我清楚見到。他們員工裏裏外外都帶有藍色膠手套，好似好衛生，但係佢哋做乜嘢都帶住手套，我見到有個姐姐踢倒垃圾桶，她就是帶著手套拾回垃圾放回桶內，另一個姐姐如是都係帶著手套拾垃圾，我望住她們拾完垃圾，並沒有換新的手套，就拿食物給你。雖然我都將食物食咗，但總覺得不吐不快。但食物味道真的沒有問題嘅。

「越萊」系一間以越南料理為主題的餐廳。佈置都用上越南裝飾，空間夠大，足夠4-6個一枱。每張枱都有個掛袋勾，都幾貼心又善用空間。叫左碗自選撈檬 ($36)： 搭配各種配料，份量大大配夠哂月，細食既朋友仔都可以叫'少粉' 咁就唔會浪費啦。麵條彈牙，搭配香茅牛肉 (+$15)： 香茅是越南料理中最常見既香料，牛肉搭配香茅既香氣，食極唔厭。 魚露雞脾 (+$20)： 魚露是越南料理中的調味料，雞脾搭配了魚露，鮮美且有層次感。雞脾肉質超級鮮嫩!!!勁開胃仲要啖啖肉 !必試!小食_酸辣無骨鳳爪 ($48)： 酸辣無骨鳳爪絕對無死。它的酸辣口味胃口大開越南咖啡雪山 成杯都系沙冰，解暑一洗，咖啡味道香濃不過如果真係想飲咖啡嘅話，建議都係唔使揀沙冰原本我以為下面會係普通越南咖啡流質，上面先係沙冰或者雪糕所以大家自己衡量其實仲有飯：下午茶選擇，有包都好吸引，選擇種類夠多不仿試下，價錢合理👍🏻👍🏻

深水埗出名多嘢食，尤其是福榮街、福華街，花多眼亂。但越南嘢唔多，經過俾呢間幾搶眼淺藍色招牌吸引咗～ 自選撈檬已包括芫荽、蔥油、炸乾蔥片、生菜絲、甘筍絲、青瓜絲、酸菜和花生碎。每款配料$15至$20不等，我揀咗網民春卷和魚露雞髀同埋跟餐飲品+24 越南咖啡雪山😋雖然已經叫咗小粉，但個份量大到嚇親。個碗本身已經大，仲要深，如果咁樣已經少咗粉，我應該要嗌少少少粉先可以食得哂🙈 魚露雞髀個調味震驚到我！雞髀似凍嘅醉雞質地，但係特調蒜蓉魚露汁超開胃好食🤤春卷三條新鮮炸起好鬆脆～ 非常推薦越南咖啡雪山！濃濃咖啡香，個人覺得仲好飲過Starbucks 嗰啲frappes!另外叫多個香甜菜心苗和蒜蓉包，菜心非常鮮甜新鮮蒜蓉包，如果可以跟少少咖喱同沙嗲更好味！

呢間係深水埗既越萊係成日都好鍾意黎食既。 每次行過黃金呢頭都要黎幫襯下。 因為佢既價錢好親民，野食都好大份量，真係好抵食。今日都唔例外，黎開呢頭又要入黎食啦。 想試下佢既越式包，因平時都係食湯河或者飯，今日熱熱地就食包啦。 仲趕得切下午茶，所以越式包加小小錢就有埋飲品。叫左個越式扎肉包，配凍既咸柑桔。 個包黎到都幾大份，入面除左扎肉仲有豬肝，青瓜，醃蘿蔔絲。 包係即烘，好香，每啖都好好食。而凍柑桔竟然仲有2粒話梅，更加好味，好醒2胃，啱晒咁熱既天氣飲。 跟住又叫左份炸蝦餅。 呢個幾乎係每次切食，好大件，勁有蝦味。 仲要係即叫即炸，好新鮮。再試埋佢既烤豬肉米紙卷。 佢既烤豬肉係豬肉腸，唔咸，夾埋菜同濛粉更覺清新，呢個配搭好正。今日又係食得好滿足，等下次又再黎食先。