牛霸王

Open Now

Now Closed

聽同事講開咗間新日本料理，專食漢堡，我立即同朋友去試下😃 小店座位寬敞，乾淨企理，店員服務親切！一場嚟到緊係漢堡扒！同朋友分別嗌咗招牌手打和牛漢堡蘭王蛋丼飯同埋手打芝士安格斯漢堡蘭王蛋飯，賣相好靚！店員建議喺蛋黃一刀切落去，可以漏晒啲蛋汁落去個飯度！塊漢堡扒好鬆化，係手打同埋用澳洲和牛造，充滿油脂香同牛肉香，第一次食蘭王蛋，蛋汁橙紅色，味道甘甜！朋友嗌咗咖喱汁，我嗌咗秘制醬汁，甜甜地超好餸飯！啲米飯粒粒飽滿，好好食！有得嗌埋泡菜，好夾味，更好餸飯！跟個飯加$5有杯綠茶飲！