Video
5-min walk from Exit B2, Kwun Tong MTR Station
continue reading
Telephone
63334238
Additional Information
不可吃外來食物或飲品
Opening Hours
Today
12:00 - 21:30
Mon - Sun
12:00 - 21:30
Above information is for reference only. Please check details with the restaurant.
About Reward Scheme
唔使走商場！觀塘工廈都有和牛漢堡扒飯，$128有驚喜，肉汁多到用飯吸埋！環境平民，味道高檔，食完包你懷疑自己行緊日本巷仔～睇下餐牌有咩食先手打和漢堡扒丼飯（每日限量日本宮崎和牛）$128呢個手打和漢堡扒丼飯，賣點就係用日本宮崎和牛，每日限量，新鮮手打，見到已經有「漢堡扒界天花板」之勢。漢堡扒鬆軟又Juicy，一刀切開，肉汁已經流滿飯面。飯面有蘿蔔茸、芥辣酸瓜、蘭王蛋黃，加秘製漢堡汁鹹香帶甜，層次豐富又開胃。揀左秘製漢堡汁，佢係一個由醬油製成，鹹香帶甜但調味較淡嘅燒汁，提升咗和牛鮮味，拌埋蘭王蛋配白飯一齊食，幸福感爆燈。白味噌未試過唔評論，但試過舀漢堡扒去隔離香辣嘅咖哩汁，太搶味，有啲浪費和牛嘅油脂。除左標準配搭蘿蔔茸，再加芥辣酸瓜，少少刺激、開胃夠脆，解膩得嚟又有趣！🍛🐮枱枱都叫夠人氣！價錢望落貴，實際平靚正夠地道，賣相吸引，配搭低調但味道出眾，怪不得咁受歡迎！👏🍛（話說食到碟底嘅驚喜，就係可以下次用嘅飲品券）咖喱燒雞扒飯 走葱 多汁 $83 呢碟日式咖哩望落「人畜無害」——金黃咖哩汁、薯仔紅蘿蔔齊全，加埋黑白芝麻，以為一入口有甜甜地嘅親切感，感覺好和善，完全無殺傷力🍛？少年你太年輕了！佢暗藏港式牛腩咖哩嘅辣度，只係冇辣油，所以好多小朋友都中伏！加上雞扒燒得外脆內嫩，雖然調味低調，反而更襯托到隱藏辣勁和咖哩香，都知道點解表面嘅「天真無邪」可以配雞扒，但唔適合配漢堡扒，唔係就太浪費啦！😂🔥一口芝士 (7pcs) $58呢碟一口芝士真係超級療癒～每粒細細粒、圓碌碌又脹卜卜，表面微微泛光，未入口已經令人心動🤤 外層炸到金黃香脆，一咬「咔」一聲，入面係熱辣滑順嘅芝士，鹹香之中帶住溫和奶香，感覺好似車打🧀 唯一缺點係拉唔到絲，但夠香、夠爆漿，咬落一瞬間已經滿足晒✨蜂蜜綠茶 一杯走冰 一杯少冰 +$5*2=10蜂蜜綠茶入口係綠茶清香加蜂蜜嘅天然甜味，甜度適中、唔會太膩，口感順滑清爽。蜂蜜可以中和茶苦，帶出淡淡果香，飲落好解渴。整體味道溫和親切，啱晒夏天飲～不過建議大家叫走冰，因為呢度無飲管提供，同埋走冰已經雪凍，飲落比較方便🍯🍵小計 $274加一 $27.4總額 $301
continue reading
呢排喺 社交平台 見到呢間「牛霸王」幾hit厚厚和牛漢堡再配上流心蛋同白飯真係見到都食欲大增原來最近仲做緊碗底驚喜碗碗有獎大獎仲係霸王餐！我當然唔會錯過啦～牛霸王主打日式手打和牛漢堡扒丼飯造型勁誇張最頂嘅日本蘭王蛋一觸即破成寸厚嘅和牛漢堡夾住少少泡菜鋪喺白飯面秘製醬汁圍邊堆到成件art piece咁！層次、味道超豐富啖啖滿足🥩 招牌手打和牛漢堡蘭王蛋飯成件厚patty好有份量一切落去見到入面仲帶少少肉汁唔係普通咁乾巴巴漢堡扒肉味都濃有少少炭燒香唔錯！蘭王蛋色澤金黃蛋味香濃撈飯一流👍配日式咖哩汁想見碗底話咁易！🍛 手打芝士安格斯蘭王蛋飯呢款漢堡加左芝士喺中間香味更濃鹹鹹香香易入口配秘製漢堡汁真係秒清碗底果然有驚喜！竟然真係中左霸王餐🤣🤣🤣隔離枱都話我地勁！另一碗雖然無中獎但都有好有心思嘅一句相信收到嘅人都如中獎一樣開心❤️日式胡麻沙律大份好味以 $128 嚟講呢個丼飯真係夠晒打卡又有誠意性價比一流分分鐘下個到你食霸王餐
continue reading
🇭🇰 Kwun Tong 觀塘｜Wagyu Donburi 牛霸王Do you know there are a lot of hidden gems inside these industrial buildings in Kwun Tong? 👀We tried this amazing sukiyaki place along with their famous wagyu donburi! 🤩 Even in non-peak hour, this place is packed! Here are our recommendation:•𝐒𝐢𝐠𝐧𝐚𝐭𝐮𝐫𝐞 𝐁𝐞𝐞𝐟 𝐒𝐮𝐤𝐢𝐲𝐚𝐤𝐢 招牌牛肉壽喜燒From ingredients, to the broth, to the beef, everything is impeccable! 🥹 Their beef is tender and when dipped in the egg, 🥚 they melt in your mouth! The tofu and mushrooms are also fantastic and filled with the sukiyaki broth! •𝐖𝐚𝐠𝐲𝐮 𝐇𝐚𝐦𝐛𝐮𝐫𝐠 𝐒𝐭𝐞𝐚𝐤 𝐰/ 𝐑𝐚𝐧𝐨𝐮 𝐄𝐠𝐠 𝐃𝐨𝐧𝐛𝐮𝐫i手打和牛漢堡扒丼飯This is their signature dish! Mix everything and you will have a wonderful donburi! 😆 Not just the steak is delicious, but when mixed with onion, egg, and their secret burger sauce, it just tastes perfect! This is a must-try for everyone! 😍•𝐃𝐚𝐢𝐤𝐨𝐧 𝐫𝐚𝐝𝐢𝐬𝐡 𝐬𝐚𝐥𝐚𝐝 大根沙律This seasonal special salad is so good that I literally cannot stop eating for the entire meal! Make sure to dip them in the salad sauce with the fried garlic 🧄 for better flavour!•𝐕𝐞𝐠𝐠𝐢𝐞 𝐏𝐨𝐫𝐤 𝐃𝐮𝐦𝐩𝐥𝐢𝐧𝐠𝐬 炸日本菜肉餃子The skin is so cripsy and pair with the yuja soy sauce, it is so flavrouful with a tiny hint of sourness in it! 😌•𝐘𝐮𝐣𝐚 𝐓𝐞𝐚 & 𝐏𝐞𝐚𝐜𝐡 𝐎𝐨𝐥𝐨𝐧𝐠 柚子蜜 & 白桃烏龍With the hot sukiyaki and the savoury snacks and donburi, some sweet drinks are needed! The yuja tea gives a calming feeling while the peach oolong is refreshing! 😋💲Price per person: $256 + 10% service charge
continue reading
之前心心念念想食長期都搶唔到嘅日本過江龍漢堡扒，正當放棄之際就意外比我發現到一間媲美挽肉與米嘅高質漢堡飯堂～ 之前都有bookmark但lunch去都摸左兩次門釘🙈手打和牛漢堡扒丼飯 $143首先漢堡係用和牛手打嘅，燒得勁香，個和牛味同油脂味勁出🤤而且和牛漢堡嘅肉質都幾結實，鮮嫩多汁～唔會一夾就散🥰然後絕對絕對絕對要叫芥辣酸瓜做配菜！覺得芥辣酸瓜+蘿蔔蓉+蘭王蛋+秘製醬汁再加日本飯係更加醒胃同埋個味覺層次豐富過配日本泡菜～秘製配汁同和牛嘅配搭都match!唔會過分鹹或者質地唔會太稀太水，感覺仲好似加左牛肉汁去整添～牛魔王表示勁滿足🥰招牌牛肉壽喜燒 $228個壽喜燒都勁大份，入面又多配菜～個壽喜燒湯味道都係啱啱好，唔會太鹹亦都唔會太甜～牛肉都重牛味嘅，但沾左啲柚子豉油個味道即刻昇華左！成件事即刻fresh左勁多～值得多提嘅係佢啲豆腐真係超滑溜😳然後第一次食到豆味咁濃郁嘅日本豆腐😳都幾surprise雞皮餃子 $58好後悔我冇錄埋啲聲，呢個雞皮餃子個皮炸到脆卜卜，一咬落去係有聲🤩🤩 然後個雞皮都冇油益味成者多餘油脂～一啲都唔邪惡🥰甘栗紫薯餅 $28呢個勁有驚喜😍佢首先唔單止炸得香脆，個皮粉漿都唔會太厚，然後佢入面係滿滿嘅紫薯💜 中間仲要有啲栗子粒粒～所以個餅會有啲顆粒感，好有口感💜同埋要俾佢甜品最高嘅評價-唔太甜！白桃烏龍 +$15頭先用茶壺裝白桃烏龍已經覺得好靚😆個白桃味一開始就好重，然後浸多一段時間，個烏龍味就開始越嚟越出，仲會飲到有回甘味😍茶控表示超鍾意🥰仲要冇糖！Overall覺得自己都揀啱左啲dish去試😆 所以覺得非常滿足🥰同埋覺得個漢堡扒真係好高質，係可以encore🥰
continue reading
最近在觀塘覓食，試咗一間主打日式洋食嘅西餐專門店。整體環境舒適，頗有東洋風情，但食物表現就有明顯落差，最值得推介同最需要改善嘅主食都試咗。極力推介：和牛漢堡飯 - 脂香肉嫩之選今次最令人驚喜嘅，必定係佢哋嘅和牛漢堡飯！漢堡扒絕對係主角，目測有成吋厚，份量十足。一啖咬落去，外層有輕輕焦香，內裡保持住粉嫩嘅色澤，證明火候控制得宜。最正係啲豐盈肉汁，一壓即出，充滿口腔，和牛獨有嘅脂香非常突出，甘香唔膩。肉質鬆化得嚟有咬口，唔會散修修，調味鹹淡適中，更能帶出牛肉原味。配上一隻流心太陽蛋同濃郁嘅日式燒汁，撈埋熱辣辣嘅珍珠飯一齊食，真係極度滿足！絕對係會為咗佢而再訪嘅理由。有待改善：濃番茄牛肋條飯 - 醬汁過濃，肉量不足相反，另一款「濃番茄牛肋條飯」就頗為失望。問題首先在於「濃番茄」醬汁，味道過於霸道，酸度偏高之餘，甜味同層次感不足，完全蓋過咗牛肋條本身嘅味道，感覺係被醬汁「浸」住，有啲「喧賓奪主」。其次係主角牛肋條，份量偏少，而且部分部位煮得未夠軟腍，略嫌韌口，未達到預期中慢煮牛肋條應有嘅鬆化效果。整體感覺係醬汁太搶，肉嘅存在感同質素都未如理想，唔係幾推介。整體意見：餸菜份量可更慷慨另外有一點小意見，就係部份主菜嘅餸菜份量可以再多啲。以呢類日式西餐定食嚟講，主菜（尤其係肉類）嘅份量係滿足感嘅關鍵。例如牛肋條飯嘅肉量，如果可以增加少少，相信會抵食好多，食客嘅滿足感亦會提升。雖然和牛漢堡扒份量足，但其他配菜或主菜嘅份量，似乎有進步空間。總結：觀塘呢間日式西餐專門店，環境唔錯，主打嘅和牛漢堡飯確實出色，肉質、味道、份量都交足功課，值得專程一試。但濃番茄牛肋條飯就因醬汁過濃同肉量、質感問題而失色。若然店家能調整醬汁平衡度，並慷慨增加部分主菜嘅餸量（尤其係肉類），相信整體體驗會更上一層樓。暫時嚟講，鎖定和牛漢堡飯就冇錯！
continue reading