泗益 (Under Renovation)

黎到赤柱玩, 識食一定唔係揀酒吧, 亦唔係pizza, 而係泗益! 佢地最出名既梗係咖咉西多士!係openrice資料搜集後發現下晝四點半關門, 我地係附近行左陣, 就3點鐘到泗益, 點知一個人都無一問老闆娘, 原來佢地處於半退休狀態, 所以營業時間有所更改~~係4點鐘之後先有野食.......而唔係4點鐘關門!! 大家唔好去錯時間啦咖咉西多士, 加凍奶茶, 等候時間約45分鐘但都值得既! 全因呢間小店只有老闆及老闆娘, 所有野食即叫即煮, 真係整到無停手!老闆用攪拌機將蛋白等打到企身, 再用麵包沾上去炸, 製成既西多士味道極好, 口感軟綿綿, 甚至唔覺得油膩! 坊間既西多士實在不能相比!凍奶茶亦非配角, 老闆拉茶功力深厚, 加上多次拉茶, 入口感覺順滑! 奶味香濃!如果各位去赤柱玩, 記得去試下西多士呢樣「當地名物」啦!不過記得鋪頭4點之後開, 建議早15分鐘排隊, 咁就可以縮短等侯時間~