Read full review
2010-02-26
325 views
同以前一齊去旅行的朋友飯聚. 見食評咁好, 都抱有期望. 菜式由朋友發板:燒鵝--- 好耐冇食過0的肉唔靭的燒鵝, 而且好香鵝味, 唔駛點燒鵝汁或酸梅醬已夠味, 比起0係深井名店吃的有過之而無不及, 美中不足係0的皮唔夠脆. 茄汁焗大花竹蝦 – 出色之作!! 一般酒樓整呢個菜都係只有蝦殼有味, 蝦肉就冇味, 更離譜的會係蝦肉有腥味. 但呢度0既竹蝦處理得好好, 蝦殼盡黏滿茄汁, 蝦肉有茄汁味之餘仍保留鮮味, 個人都食0左三隻!!! 果皮蒸龍躉頭腩 – 個人對蒸頭腩從來都不大興趣, 因為每次唔係因為勁重果味而冇晒魚0既鮮味, 就係成碟都有魚0既腥味. 但今次0係呢度吃, 竟然果皮味恰到好處, 魚仍有鮮味, 一0的都唔腥, 而且魚肉爽口好滑, 可見師傅調校火候非常熟練. 平時吃頭腩都係一舊起兩舊止, 今次吃0左只少5-6件 !!! 翡翠炒球 – 又係傑作!!! 自問吃親呢0的炒班球都係唔吃魚皮, 因為好腥好滑, 感覺好怪. 但呢次, 吃0左3-4塊班球, 都係連皮吃!! 因為魚肉鮮嫩不在話下, 連魚皮都處理得好好, 好煙靭, 好有魚香而唔係腥味!初時未睇張order list, 以為係石斑
菜式由朋友發板:
燒鵝--- 好耐冇食過0的肉唔靭的燒鵝, 而且好香鵝味, 唔駛點燒鵝汁或酸梅醬已夠味, 比起0係深井名店吃的有過之而無不及, 美中不足係0的皮唔夠脆.
茄汁焗大花竹蝦 – 出色之作!! 一般酒樓整呢個菜都係只有蝦殼有味, 蝦肉就冇味, 更離譜的會係蝦肉有腥味. 但呢度0既竹蝦處理得好好, 蝦殼盡黏滿茄汁, 蝦肉有茄汁味之餘仍保留鮮味, 個人都食0左三隻!!!
果皮蒸龍躉頭腩 – 個人對蒸頭腩從來都不大興趣, 因為每次唔係因為勁重果味而冇晒魚0既鮮味, 就係成碟都有魚0既腥味. 但今次0係呢度吃, 竟然果皮味恰到好處, 魚仍有鮮味, 一0的都唔腥, 而且魚肉爽口好滑, 可見師傅調校火候非常熟練. 平時吃頭腩都係一舊起兩舊止, 今次吃0左只少5-6件 !!!
翡翠炒球 – 又係傑作!!! 自問吃親呢0的炒班球都係唔吃魚皮, 因為好腥好滑, 感覺好怪. 但呢次, 吃0左3-4塊班球, 都係連皮吃!! 因為魚肉鮮嫩不在話下, 連魚皮都處理得好好, 好煙靭, 好有魚香而唔係腥味!
初時未睇張order list, 以為係石斑一魚兩味, 後來先知原來係龍躉兩味!!! 但自覺比起0係西貢吃過的龍躉兩味的更出色!!!
雲英雞 – 話係招牌菜, 一向唔太吃雞的我, 點都試一件. 因為懶, 所以只吃雞胸肉. 評語係: 好耐冇吃過有雞味0既雞!!! 係類似白切雞, 但連雞胸肉都唔鞋口, 好滑, 好香, 吃入口已知一定唔係雪雞! 吃雞皮, 一0的都唔肥, 好脆口, 好似0係星加坡吃過的海南雞咁!!! 最後, 連雞背脊都吃埋!! 好耐冇吃過咁有雞味0既雞肉! Hahahaah~
有碟炒芥蘭, 因為朋友係熟客, 所以送的!! 芥蘭好嫰, 以為吃緊菜心!!!
二松炒扇貝 – 朋友話係失色的一道菜, 但我覺得都可以接受. 失敗處係佢用新鮮扇貝0黎炒, 令扇貝縮晒水, 但其實佢炒得好爽口.
後加的砵酒焗蠔 – 一直抗拒吃蠔的我, 但見侍應打開錫紙包時, 真係明白到咩0野叫做香味四溢!!! 淡淡0既酒味, 襯托住蠔味, 我都獻出我0既第一次!! 難得佢炸完再焗, 都仍保留都蠔的脆口, 但唔會乾, 蠔本身依然飽滿多汁, 好滑!! 我問吃蠔有點研究的老公, 呢0的係咪整得好, 佢話以炸蠔0黎計, 如果吉列專門店的炸蠔係5分, 呢度0既蠔至少有8.5分或以上!!!! WOW!! 不過, 美中不足係佢唔係一開殼就即刻炸即刻焗, 缺少0左0的鮮味, 我就話佢係雞蛋裡挑骨頭啦!!! 呢度又唔係海邊!!! 所以老公都話佢已經整得好好!!! 第一次就吃到呢0的極品, 咁我以後唔駛再吃蠔呢!!!
吃完晒咁出色的餸菜, 來甜品. 係西米紅豆沙. 稀0左0的0的, 唔夠杰, 但勝在唔甜, 紅豆味仍, 而唔係一味得個甜字.
好滿足的一餐, 真希望可以帶家人來再吃幾次!!!
Post
