金山海鮮酒家

Open Now

Now Closed

二年疫情後好多酒樓餐廳都執咗，忽然想食啲老菜就諗起金山，裝修就舊啲，但位置方便喎，味道又唔差。🥢🥣菜膽南北杏燉豬肺$138: 先來個豬肺湯，湯好清甜，不過唔見有南北杏，所以湯色一啲都無奶白色。豬肺洗得好乾淨，一啲騷味都。🥢懷舊雞蛋焗魚腸$78: 老媽愛死這味，這老菜唔係好多酒樓會煮，香香脆脆😋，好懷念的味道！🥢脆皮生炸大腸$82: 又一老菜，以前小攤子炸到香香脆脆，然後甜醬+芥末醬一起吃，雖然唔健康但真係惹味，呢度好明顯無那味道，但洗得乾淨，小朋友都唔怕。🥢窩貼鮮蝦小棠菜$88: 其實唔明點解叫窩貼，不過食咗咁多年都係咁叫。蝦膠有蝦味，最緊要新鮮炸，熱辣辣好鬆脆，小朋友食到唔停得口👍🏻🥢🦪銀山砵酒焗桶蠔$168: 呢個有少少失色，蠔有啲乾，而且無咩蠔味🥢🐟生炒龍躉頭腩：龍躉好有膠質，好有魚味，正正正👍🏻🥢🐟碧綠炒龍躉球：龍躉當然有魚味喇，呢個無咁多肉，但連骨都入哂味，慢慢㗳😋🥢蛋散：送嘅甜品，其他酒樓都唔會送這個，個鬆鬆脆脆，特別，小朋友連見都未見過，又係食都停唔到口，也成了全餐完美的結尾….句號。😁😁

今晚約了姊姊弟弟一起來這家酒家聚餐，環境很熱鬧，服務很不錯，食物彼佳，第一次光顧，有驚喜，有缽仔焗魚腸，這菜式已不多店家有，要好好珍惜，另一出色是菜膽南北杏豬肺湯。

一個字差。服務態度十分惡劣，完全沒有禮貌，而且趕人埋單，趕人走。不想吃到一肚子氣，就千萬不要選這間酒樓。餸剛上沒多久就問需唔需要白飯就當時我和朋友談話中，無奈地要中斷話題答她，我話已叫了炒飯，1分鐘後又問需唔需要白飯，又再中斷我同朋友之間的對話，十分不尊重客人。飯餸還沒食完，已自動收走餸菜，然後就俾單據我地，迫我們走。酒樓都沒有寫時間限制。我經歷了一個十分不愉快的晚餐。

服務態度十分惡劣，趕人走。食物都未完就收走跟住叫人埋單。餸黎到時就問人要唔要白飯，人地傾緊計，就係甘問人要唔要飯，一d都唔尊重客人。唔想俾激氣就千萬唔好黎食。食野都一般般

有老鼠嘅伏店！好少出post寫唔好嘅餐廳，但呢間真係好唔得！諗住開開心心食餐飯，真係嚇鬼死！成隻老鼠喺個天花板跳落嚟，仲跳咗落我個friend個膊頭度！隻老鼠有成二十厘米咁大！仲勁生猛跳到膊頭，然後跳咗落張枱！衛生情況十分惡劣！最嬲係侍應完全無反應，無行過嚟關心一句，經理直頭眼尾都無望過！好似習以為常，應該成日都有老鼠出現！老鼠太生猛，嚇到呆左，影唔到。只係有一個姐姐細細聲講左句唔好意思就完咗件事，實在太過份！啲嘢食不過不失，但價錢都唔平，如果你想是有老鼠陪你食飯嘅話呢我都覺得你可以嚟試吓嘅。結果買單千幾蚊，仲收足我哋所有嘅費用 ！真係食到成肚氣！Btw 收切餅費，俾支食月餅嘅叉我地食蛋糕！

一行二十人假日聚聚選擇酒樓就是想坐耐一點聚一聚點知食左一個半鐘左右黎左一大班人 但只得一張空枱 沒有連台幾個職員就企我們後面 迫我地走但明明其他地方有空台 只是不是坐一起超冇理相信是他們酒樓熟客 他們和職員有講有笑其中一個熟客仲勁大聲叫我地食完就走 不要霸住張台 當然我地沒有理會另外 我們還未上齊餸職員就上甜品 蛋散 （仲要淋的 超難食）趕客…..中間還有小插曲入面廳有老鼠掉落黎嚇到食客尖叫 即走總括來講 職員態度差劣 熟客冇品 環境衛生差

約咗幾個老友喺佐敦食晚飯，訂咗枱喺莊士彌敦廣場嘅金山海鮮酒家食懷舊菜。訂咗七點，不過6:30上到去都俾到枱我哋。先嚟半隻燒鵝，醃得好入味，不過略嫌鵝皮唔夠脆，同埋冇蠟燭熱住佢，食到後半段有少少凍咗。跟住叫咗碟炸大腸，唔使花巧，洗乾淨同炸脆佢就上碟，脆卜卜，正！ 老友介紹焗魚腸，我覺得中上水準，上面雞蛋香脆，下面啲魚腸好足料，落咗少少胡椒粉辟腥，有埋芫荽就冇得頂啦。再嚟幾碟小菜，小炒王、蒸肉餅同埋啫啫雞雜煲都非常有水準，味道唔會太濃，攞嚟送酒同埋送飯都係一流嘅配搭。埋單前仲送咗碟炸蛋散，都幾鬆化，糖醬又唔係太甜，卒之又食哂。其實呢座大廈都有好多各類型嘅食肆，可以逐一去品嘗。

相約了幾位老同學聚會，選擇了在佐敦的金山海鮮酒家，我這酒家已有多年歷史，食客都是老街坊。金山海鮮酒家以傳統懷舊菜式最為出名，當中的「「雞蛋焗魚腸」 」在香港已經很難可以吃得到，「「鍋貼鮮蝦小棠菜」」這道小菜亦非常出名，將小棠菜剁碎混入鮮打蝦膠，再用雞蛋煎成一大塊蛋餅，香脆可口；「「銀山砵酒焗桶蠔」」大大隻生蠔，用錫紙包裹烘焗，鮮甜味美，這裹的餸菜味道真是一絕，所以每到飯市時間，是必須預先訂座。在這酒家進餐，唯一缺點就是桌、椅排放得太密集，幾乎是椅背頂着椅背，空間小，人多自然就較嘈吵。

枱密麻麻， 座椅非常唔好坐，坐墊已經冇曬 承托力。 好生意生財工具應要更換新。 都係通病老牌酒樓 熟客優先生客你慢慢等。 蝦餃34.8冇筍 澄麵多得滯，用雙筷子夾起爛溶溶， 蝦入口冇腥味，蝦腸冇挑走。 黑椒爽肚，入口有硬有軟， 處理上問題30.8。 最好'反而係蘿蔔，蒸和煎，都唔差，內裡都有一條條蘿蔔條，26.8煎蘿蔔糕。茶位每位10元，不接受1人，1人飲茶寫明收你2位茶。飲茶食點心是享受，環境衞生乾淨也是因素。鐵觀音茶葉唔夠味道，可以叫待應加多些。

很久沒有來這間金山海鮮酒家了。從前，一班朋友，上到來的時候， 如果沒有預先訂位，都未必有位。 今晚上到來的時候，不少枱是沒有人客的，都吃完離開的時候，也還有不少枱。菜膽南北杏燉豬肺， HK$118，非常抵吃，雞腳豬肺，點上豉油，美味無比。蒜粉精密特大元貝， 整得過火了，配上蒜蓉粉絲，也還可以。雞蛋焗魚腸， 比想像中好味， 如果可以加多些油炸鬼就好了。今次我們吃得慢了點，所以吃到後來，雞蛋焗魚腸涼下來，有些腥，下次可以的話，要吃快些才行。砵酒焗美國桶蠔， 中規中矩，只有五隻蠔，有大有小，有些沒有味道，有些有蠔的鮮味。最後，酒樓送上一客蛋散作甜品， 可算是 一個小小的驚喜。總括來說感，食物的質素不及從前，價錢卻算抵食之選，水準也有不少進步的空間。

平日中午，同屋企人去咗金山度飲茶，環境都唔算華麗，勝在唔洗等位，每位茶錢10蚊。1.咖喱蒸魷魚呢個咖喱蒸魷魚好好味，魷魚好爽口，同埋啲咖喱汁都好香，又唔會太辣，底有兩舊白蘿蔔，亦都好入味。2.流沙奶皇包趁佢啱啱上菜嘅時候食，仲好熱辣辣，咬落落去都仲係流心。3.鮮竹牛肉球呢個牛肉球意外地好食，加上好大粒，食到佢係用嘅牛肉都唔錯，而且入邊仲加咗好多芫荽，加埋喼汁就一流。4.鮮蝦腐皮卷腐皮卷表面都好脆，入面都食到有一兩隻蝦，食落口都合格。5.燒腩仔飯燒腩仔嘅表皮都好脆好香，瘦脆部分都合宜，加上白飯好大碗，可以兩個人share，不過係條菜心比較油。

同事離職寬鬆晚餐我哋揀咗食海鮮揀咗金山之前都食過幾次海鮮又平又抵又新鮮又住得好味價格公道星期五晚上到唔限時而家好難得搵地方食嘢可以坐到唔限時慢慢傾偈我哋一台四五個人叫咗好多嘢食食到好飽好飽真係好抵食仲有幾樣餸掛住食都唔記得影相四個人先食咗1900百幾蚊好抵食上菜速度又快又唔會拖而且價格均真惜才處理都好好而且好抵食有一啲孖寶或者三寶套餐都好抵食不過買咗龍蝦伊麵龍蝦啲肉比較林好似唔夠大眼好似唔算係好新鮮㗎但係都好好食賴尿蝦巨型大賴尿蝦就更好食不過賴尿蝦唔記得影相難得疫情下咁耐今生緣都保持水準以後都會繼續嚟幫襯你一晚食得好開心希望同事以後都工作順利

今日配媽咪飲茶，食吓點心!我们點了乳鴨，椒鹽九肚魚，燒賣，糯米卷，叉燒包，蝦腸等一般會點的東西，點知見到menu,竟然有好耐無食過砵酒焗魚腸，現在肯難找到，仲要中午時段!特別想講，燒乳鴨燒得好靚，好好食，仲有椒鹽九肚魚，賣相好得，而且好惹味!之後到我最祈待的焗魚腸，上枱時仲有剛焗好出來起泡的感覺，食落去外脆，魚腸好新鮮，唯一美中不足係蛋不夠香!但整體都ok!糯米卷也是很出色其它點心都是ok!下次會再試

😋好耐冇同朋友敘舊朋友💕今日朋友揀咗佐敦呢間金山海鮮酒家食晚飯🥣第一次嚟呢度食，環境都算幾舒服，因為今晚人唔係好多，正整地幾個朋友可以傾吓計飲下酒。...🥣醉香豬腳仔 $88❤️酒味好香，豬腳仔啖啖肉好正👍..🥣蟶子皇 $200/5隻❤️好新鮮整得啱啱好👍必食！..🥣金山燒鵝王 $248..❤️朋友次次黎都必食嘅燒鵝，我自己食完就覺得肥咗少少但係都係好食嘅😋..🥣生炆班翅 34両 (魚類) $612..❤️朋友自己揀嘅，又大條又新鮮又好味😋..🥣菜膽南北杏燉豬肺 $98..❤️我自己最鍾意飲☺️所以我覺得好好食😋..🥣蒜蓉豆苗$85❤️冇乜特別就OK嘅...🥣銀山砵酒焗𧐢 $148..❤️有特色👍焗得啱啱好🍴必食👍..🥣大蝦球伊麵 $138..❤️啲蝦好大隻👍唔會好濕，炒得幾好😋..🥣乾炒牛河 $98..❤炒得一般，炒得太肥膩，可以唔叫..🍾開瓶費每支$30❤我哋帶咗兩支白酒去飲🥂..☕️茶錢$12一位，我哋五位=$60..💰$2736 / 5人(晚餐)

疫情關係很久沒來光顧這餐館，今次令我和老公都很失望！我們叫了份三寶（$308）：蒸頭腩、鍋貼小棠菜、油鹽水大蜆，另加一個我經常會叫的（石本）酒焗桶蠔（$148），幾個菜式份量之細不在話下，餐牌上沒寫明2人份量，蒸頭腩及小棠菜可以接受，油鹽水蜆細隻又唔新鮮，很多隻沒開口及有些蜆肉勁腥！湯底淡而無味！最離譜的是桶蠔，打開錫紙竟然只得4隻，（$148+10%）以前的份量有6-7隻蠔，心諗如果一枱5-6人，那麼如何分好？！我們沒有投訴，只知疫情期間生意難做，相信不會再去了。