呢間人氣餃子店每次經過好多人排隊 ，今次放工要去太子終於有機會一試。8點左右到訪，大概等左15分鐘就有位，呢個時間好多款嘅餃同小食都冇晒，本身想食韮菜餃同煎豆腐都冇左
店舖面積雖然細但都坐得舒服，一路聽住店員報每款餃子淨幾多好有趣😂
🥟芝士粟米鮮肉餃 +$15轉邪惡金沙餃
呢到嘅餃子有得揀7隻/10隻 ，想食多幾款所以都叫左7隻。
金沙餃真係招牌名物，煎餃面鋪滿鹹蛋黃碎，煎餃好香口，鹹蛋黃同芝士味好夾，芝士味好濃！食多幾隻會比較漏，同人share剛剛好
🥟咖哩椰菜鮮肉餃
呢到嘅餃子真係超級大隻，平夠晒薄，餡料味道濃郁，咖哩味比較似日式咖哩。
1
🥟香菇鮮肉餃
湯底係椰子海帶鮮雞豬骨濃湯，飲得出好足料 ，椰子同雞味都好出，好想就咁飲晒碗湯！
香菇餃相比上面兩種比較清 ，但香菇味非常突出。
🐮招牌秘汁拼盤
呢個都非常推介，拼盤包左蛋、雞翼、雞腎同牛展，份量堆滿一整碟。醬汁似滷水汁加瑞士汁，全部野都好入味，重口味之選。
🥢涼拌海蜇
呢到小食種類好多，有十幾款，而且每款都好抵食都係十幾廿幾蚊。仲有海蜇呢d係餃子店比較少見嘅小食,海蜇麻油味香但唔會好鹹
🍹青檸蜜
青檸蜜好有驚喜，好清甜清新感覺，酸同甜度適中，好解渴
