海景軒

Open Now

Now Closed

見到片皮鴨關注組有人分享海景軒做緊半價片皮鴨優惠，即刻喺openrice訂位，期待咗一個月終於有得食！片皮鴨喺訂位時已經預留咗，坐低後大概等咗廿分鐘就上菜。侍應先奉上全鴨畀我哋影相，等我哋影完先開始片鴨，好貼心整隻鴨烤色均勻，烤至古銅色，表面帶油光，就咁睇都知鴨皮一定夠酥脆。呢度嘅片皮鴨唔單止片皮，而係皮連肉，只有少部份係淨皮。鴨皮酥脆，烤得剛剛好，唔會太油膩配料方面除咗有傳統食法嘅青瓜、京蔥同甜麵醬，另外仲有菠蘿、柚子同辣醬，辣醬少少辣，估唔到同烤鴨都咁夾。鴨胸部分好厚肉，肉質結實唔會乾，鍾意食啖啖肉嘅我食得好滿足餅皮做得非常靚，夠薄又濕度適中一隻烤鴨跟兩籠餅皮，畀得好慷慨，估計有成廿塊。呢度嘅片皮鴨二食有多款選擇，除咗一般嘅炒鴨鬆之外，仲有炒鴨絲、炆鴨件、鴨鬆荷葉飯同鴨絲煎米粉等等。我哋就揀咗比較特別嘅香酥火鴨方，就咁睇個名唔知係咩嚟，睇英文先知係炸鴨肉多士由兩片薄薄嘅麵包夾住鴨肉墨魚滑，麵包炸得非常酥脆，中間墨魚滑彈牙頭抽和牛炒飯色水好靚，頭抽味道突出而且非常有鑊氣米飯粒粒分明好有水準呢度好多菜式都可揀light portion，就算少人嚟食都唔驚食唔晒。整體嚟講食物質素好高，片