Video
Read full review
2019-08-19
65 views
今晚屋企無煮飯，又突然好想食茶餐廳冰室之類嘅野食，就嚟到荃灣路德圍樓下冰室試下！😬😬😬聽朋友成日介紹樓下冰室嘅蕃茄湯通粉好正！仲有招牌瑞士雞髀！所以就一定要試試佢！佢呢個特色蕃茄濃湯通粉配牛乳炒蛋（$50)可仼選一款小食，我地就叫左招牌瑞士雞髀，佢個蕃茄湯通粉真係好入味，蕃茄湯配通粉幾時都係perfect match!個蛋炒得好滑好有奶味！正！瑞士雞髀肉好嫩口，煮得好入味，好有屋企煮嘅感覺😍另外叫左個金牌牛腩咖喱（$50)，呢個咖哩飯可以配牛腩/豬扒/雞扒，個咖哩汁好嘢味，辣辣地好開胃！岩哂好肚餓嘅我地！牛腩煮得好淋，啖啖肉真係好滿足😍小食方面，叫左個焗芝士西蘭花（$36），真係剛剛焗好出嚟，熱辣辣，好重牛油香味！上面全部都係芝士好吸引💕仲有炸薯角（$28），係出奇地好食，本身以為係普通薯角味，點知一食，好卜卜脆！小食特別推介呢個！☝🏻☝🏻☝🏻☝🏻☝🏻☝🏻☝🏻☝🏻☝🏻仲有呢個麻辣脆雞粒，見到個名有麻辣好吸引😍就試下佢先！嘩真係有驚喜架！剛剛送上嚟有陣陣嘅麻辣香味，食落完全好有巴辣雞粒嘅味！超開胃超好味！唔洗5分鐘食清哂🤪最後叫左華田脆脆（$22），佢唔係一般嘅凍華田，佢啲脆脆配埋成杯飲
佢呢個特色蕃茄濃湯通粉配牛乳炒蛋（$50)可仼選一款小食，我地就叫左招牌瑞士雞髀，佢個蕃茄湯通粉真係好入味，蕃茄湯配通粉幾時都係perfect match!個蛋炒得好滑好有奶味！正！瑞士雞髀肉好嫩口，煮得好入味，好有屋企煮嘅感覺😍
另外叫左個金牌牛腩咖喱（$50)，呢個咖哩飯可以配牛腩/豬扒/雞扒，個咖哩汁好嘢味，辣辣地好開胃！岩哂好肚餓嘅我地！牛腩煮得好淋，啖啖肉真係好滿足😍
小食方面，叫左個焗芝士西蘭花（$36），真係剛剛焗好出嚟，熱辣辣，好重牛油香味！上面全部都係芝士好吸引💕
仲有炸薯角（$28），係出奇地好食，本身以為係普通薯角味，點知一食，好卜卜脆！小食特別推介呢個！☝🏻☝🏻☝🏻☝🏻☝🏻☝🏻☝🏻☝🏻☝🏻
仲有呢個麻辣脆雞粒，見到個名有麻辣好吸引😍就試下佢先！嘩真係有驚喜架！剛剛送上嚟有陣陣嘅麻辣香味，食落完全好有巴辣雞粒嘅味！超開胃超好味！唔洗5分鐘食清哂🤪
最後叫左華田脆脆（$22），佢唔係一般嘅凍華田，佢啲脆脆配埋成杯飲落，好似食緊早餐果隻朱古力脆脆咁，好滿足好有朱古力味，真係好值得飲啊！
最後，講下佢嘅環境，裝修風格好懷舊，仲有小牌寫住內有雅座添！裝飾好特別，又坐得好舒服，最緊要係店員好有禮貌！呢個特別加分！👍🏻☺️下次我一定會再來！
最後埋單食左咁多野都係$2xx兩個人，真係好抵食！如果想食嘅朋友仔，平日lunch嚟食就要預早少少嚟排隊等位喇！值得一試！
Post
