ULURU

Open Now

Now Closed

之前喺韓國都好想去2D Cafe,估唔到香港都開咗呢間黑白色嘅Cafe😍梗係要去打卡啦😍😍喺利東街隔離條街，地方都幾容易搵到。有門口開始就進入左另外一個世界，最估唔到係入面好大間，行到邊都係打卡位😍😍去到真係有好多人影相📸️今次主要係想食個tea😂好抵食，$388/2位，款式都多3層架 有馬卡龍、朱古力、玫瑰奶凍....最鍾意就係食朱古力同朱古力牛角包🥐個朱古力甜而不樓，入口即溶，上面仲有朱古力粉，牛角包鬆化中間夾住朱古力👍🏻👍🏻鹹點泰式炸魚蛋同吉列炸蝦味道香口，油份剛剛好👍🏻影相影到凍凍地，個炸魚蛋都係好食嘅。有驚喜嘅係玫瑰盆栽🎍朱古力餅碎加brownie ，又濕又乾嘅感覺，更加突顯左朱古力味，餅碎都好好食，個擺設好靚，要瘋狂打卡。兩杯飲品有玫瑰味同薰衣草味兩杯飲落都有濃郁嘅花香味，玫瑰味嗰杯係比較甜，薰衣草就比較清淡。飲時要注意嘅係個杯，記得用飲管。