良記餐廳(老鳳冰室) (Closed)

深水埗平嘢多, 平民美食同樣有唔少選擇, 今日就揀咗呢間走懷舊風嘅老鳳冰室。夜晚接近8點嚟到, 人氣很旺！ 店內無論裝修定擺設都充滿舊香港風情, 餐牌就喺信箱入面。除咗一般冰室餐飲, 晚市有A-E五款套餐, 今日決定試下呢度嘅寶雲酥燒羊扒。寶雲酥燒羊扒伴配麻醬意粉 $88切開金黃酥脆嘅麵包糠, 內層嘅羊肉全熟, 羊肉但依然夠腍, 騷味很香, 完全估唔到冰室食羊扒都有咁嘅質素！意粉加入麻醬, 雖然有點邪惡, 卻特別滋味。芝士牛肉濃茄湯通粉 $48(跟牛乳炒蛋, 肉醬焗薯泥)朋友新年飲食過度, 今日要食清D, 芝士茄牛通卻要走芝士。蕃茄湯底酸酸地夠開胃, 扭扭粉質感彈牙, 掛湯力強。蛋炒得滑滑, 肉醬焗薯泥亦不失色。話梅柑桔蜜酸甜度平衡得唔錯, 清新解膩。