大滿喜日本料理 (Closed)

早兩日夜晚同朋友幫襯咗一間日式放題，地點係旺角，又方便，野食質素亦好高，好值得推介！首先，個自助沙律吧好多冷盤嘢食。份量足夠又補充得幾快。海鮮有半殼青口、大蝦......甜品中我最愛係北海道3.6牛乳！好滑好濃鮮奶味😋仲有芒果布丁、豆腐花、藍莓乳酪......糕點款式好豐富，包括：牛奶慕絲、葉香糯米糕、紅豆糕、焦糖燉蛋......「炒一口牛」好香口，size係一口一啖，味道甜甜地，好惹味！天婦羅種類都好多：炸大蝦、蟹柳、南瓜等等......炸物仲正：炸蠔、榴蓮球、芝士波、香芋波、雞翼等......味道好好，又唔會炸到太乾無晒肉汁，火候控制得好好！燒比目魚扒，肉質好彈牙，味道好過癮，好似正式日本人食便當既味道。燒羊架，呢個認真好食！火候剛剛好，好嫩好多肉汁，又唔算酥！正總結番，呢間放題種類算好多，味道大多數都好高水平，上菜速度又幾快，真係市民上比較少有！