Video
Read full review
2022-07-29
768 views
九龍城最出名就係泰國嘢，講到泰國嘢，黃珍珍多年來屹立不倒，幾乎你搭車經過都會見到佢嘅大名，兩層高嘅佢究竟啲嘢食係咪都保持到水準呢，好耐之前有嚟過食，隔咗咁耐再食質素又係點呢，今日就嚟試吓😆😆🦐生蝦刺身:用乾冰來做裝飾，令到成個菜好似點咗精咁，生蝦有分六隻同八隻，都係配咗傳統嘅蒜頭同辣椒，夠晒新鮮之餘生蝦亦都好彈牙，每一隻都係咁新鮮，好味😋😋🐷泰式辣肉碎生菜包:雖然我知道生菜唔係重點，但佢嘅生菜真係好新鮮，每一棵都係綠油油的，至於到返個主菜辣肉碎，佢驚辣都唔係好勁，對我嚟講小辣，肉碎炒得好香，每一粒都好分明，裏面加咗洋蔥同青檸汁，令到成份更加惹味👍🏻👍🏻🦀香酥軟殼蟹:睇落去有啲單調，伴碟都一般，但食落去都OK嘅，雖然佢有啲淋，但裏面嘅蟹肉都係新鮮嘅，係美中不足唔係好夠脆😌😌🦐咖喱炒大頭蝦配法式麵包:呢款菜式我真係要讚一讚個法包，唔係好多地方會用呢款嘅麵包來沾，但佢嘅麵包送上嚟嘅時候都係熱辣辣，啱啱焗好嘅感覺，佢出面嘅又夠脆，裏面都軟熟，雖然只係一個配菜但我覺得都好重要，另外佢嘅咖喱炒大頭蝦既咖喱醬都好滑身，味道都香濃，但大頭蝦有啲遜色，唔係好夠大隻之餘，有啲肉質冇咁爽，不過大概耂有6至7
🦐生蝦刺身:用乾冰來做裝飾，令到成個菜好似點咗精咁，生蝦有分六隻同八隻，都係配咗傳統嘅蒜頭同辣椒，夠晒新鮮之餘生蝦亦都好彈牙，每一隻都係咁新鮮，好味😋😋
🐷泰式辣肉碎生菜包:雖然我知道生菜唔係重點，但佢嘅生菜真係好新鮮，每一棵都係綠油油的，至於到返個主菜辣肉碎，佢驚辣都唔係好勁，對我嚟講小辣，肉碎炒得好香，每一粒都好分明，裏面加咗洋蔥同青檸汁，令到成份更加惹味👍🏻👍🏻
🦀香酥軟殼蟹:睇落去有啲單調，伴碟都一般，但食落去都OK嘅，雖然佢有啲淋，但裏面嘅蟹肉都係新鮮嘅，係美中不足唔係好夠脆😌😌
🦐咖喱炒大頭蝦配法式麵包:呢款菜式我真係要讚一讚個法包，唔係好多地方會用呢款嘅麵包來沾，但佢嘅麵包送上嚟嘅時候都係熱辣辣，啱啱焗好嘅感覺，佢出面嘅又夠脆，裏面都軟熟，雖然只係一個配菜但我覺得都好重要，另外佢嘅咖喱炒大頭蝦既咖喱醬都好滑身，味道都香濃，但大頭蝦有啲遜色，唔係好夠大隻之餘，有啲肉質冇咁爽，不過大概耂有6至7隻左右
🐔荷葉包雞:有6件，荷葉包得夠實 ，鎖住雞肉嘅肉汁，食落好嫩滑，好有雞味👍🏻👍🏻
🍍原個菠蘿炒飯:出面好多地方都會有呢度菜，但佢呢度炒得好有鑊氣，配料都好多，而每一粒嘅飯粒都係金黃色嘅，粒粒分明，菠蘿粒都夠多，每一啖都食到唔同配料，唔錯唔錯😋😋
🥥椰汁西米糕:最後既甜品我哋嗌咗六件嘅西米糕，其實佢同出邊食嘅都冇咩太大分別，我覺得只要係新鮮，夠凍，材料夠豐富，就可以做到基本嘅好食，味道都唔係話特別有特色，只可以講味到係ok既，另外野飲就叫左有椰青，香濃奶茶同凍檸樂，奶茶比較特別嘅係佢又真係幾濃郁，茶底夠濃先可以令到整杯都好香，又滑😆😆
Post
