Video
Read full review
2022-04-28
1851 views
從繁華嘅灣仔道，突轉入一條舊樓老舊樓梯，已經有幾分懷舊電影感，到穿過兩道防煙門，再入去舖頭，昏沉燈光、深木色裝修、流聲機……嘩，拍戲咩…侍應態度又未算好差，只係帶帶吓位甩咗。對餓到食得落成頭牛嘅我嚟講，比較關心都係食物質素。我冇台灣人舌頭，但我覺得呢間相對啲連鎖台式餐廳、台食小店已經比較台灣味。喺呢啲4月下旬開始翳熱嘅天氣，我會推介食「茶燻雞佐烏龍茶漬飯」，成個托盤擺到滿滿，飯量約標準兩碗半，紫菜碎鋪滿飯面，奇在咁鬼多飯對於平時只食半至三分二碗嘅我係可以嚼哂，斷估係茶泡解咗滯膩感，烏龍茶味亦清香不搶，好少食到煙燻嘢唔熱氣，呢個燻雞煙燻味香得嚟係幾個鐘後仲可以聞到自己口腔嘅燻味幾清。唔臭米氣又唔知自己想點咁可揀「擔仔麵套餐」，唔駛煩，份量夠，勝在小雜燴乜都有啲，有滷肉碎、蝦、紅蘿蔔、菜、銀芽、蔥花伴湯麵，拼盤入面嘅豬耳豆乾做得夠味唔鹹。如果想食哂滷肉、三杯雞，「台式三杯雞飯」啱哂。份量同樣冇呃人，超級汁多嘅滷肉佔咗碗飯三分一，又香又開胃。雖然餐牌印咗條辣椒，但只屬極微辣嘅三杯雞，雞粒量等同一碟小菜，又係多汁好送飯。呢間嘢啲嘢食份量好足料，價錢相對抵食，比一般文青店食到捧肚，基本上唔打卡齋
從繁華嘅灣仔道，突轉入一條舊樓老舊樓梯，已經有幾分懷舊電影感，到穿過兩道防煙門，再入去舖頭，昏沉燈光、深木色裝修、流聲機……嘩，拍戲咩…
侍應態度又未算好差，只係帶帶吓位甩咗。對餓到食得落成頭牛嘅我嚟講，比較關心都係食物質素。我冇台灣人舌頭，但我覺得呢間相對啲連鎖台式餐廳、台食小店已經比較台灣味。喺呢啲4月下旬開始翳熱嘅天氣，我會推介食「茶燻雞佐烏龍茶漬飯」，成個托盤擺到滿滿，飯量約標準兩碗半，紫菜碎鋪滿飯面，奇在咁鬼多飯對於平時只食半至三分二碗嘅我係可以嚼哂，斷估係茶泡解咗滯膩感，烏龍茶味亦清香不搶，好少食到煙燻嘢唔熱氣，呢個燻雞煙燻味香得嚟係幾個鐘後仲可以聞到自己口腔嘅燻味幾清。
R9茶燻雞佐烏龍茶漬飯
$78
31 views
0 likes
0 comments
R9茶燻雞佐烏龍茶漬飯
$78
25 views
0 likes
0 comments
唔臭米氣又唔知自己想點咁可揀「擔仔麵套餐」，唔駛煩，份量夠，勝在小雜燴乜都有啲，有滷肉碎、蝦、紅蘿蔔、菜、銀芽、蔥花伴湯麵，拼盤入面嘅豬耳豆乾做得夠味唔鹹。
S4擔仔麵套餐
$65
29 views
0 likes
0 comments
S4擔仔麵套餐
$65
16 views
0 likes
0 comments
S4擔仔麵套餐
$65
17 views
0 likes
0 comments
如果想食哂滷肉、三杯雞，「台式三杯雞飯」啱哂。份量同樣冇呃人，超級汁多嘅滷肉佔咗碗飯三分一，又香又開胃。雖然餐牌印咗條辣椒，但只屬極微辣嘅三杯雞，雞粒量等同一碟小菜，又係多汁好送飯。
R2台式三杯雞飯
$70
42 views
0 likes
0 comments
R2台式三杯雞飯
$70
41 views
0 likes
0 comments
左-蘋果綠茶 右-百香果梳打 跟餐
$15
21 views
0 likes
0 comments
呢間嘢啲嘢食份量好足料，價錢相對抵食，比一般文青店食到捧肚，基本上唔打卡齋食都值！
Post
