Video
Read full review
2018-06-14
498 views
讓我回到過去吧！有一日嘅午膳時間 ，時光倒流去到60年代嘅灣仔，去 「1963 木十豆寸」食午餐。餐廳嘅位置好方便—地鐵站行過去5分鐘左右，不過要行2層樓梯上去。會有窩心嘅提示同你加油！book咗1點，早咗15分鐘到，好彩可以早入去都得，唔洗喺門口等。入面嘅裝修佈置整到六十年代d住宅咁，好去咗拍戲現場。今次叫咗茶燻雞佐烏龍茶漬飯 ，古早味滷排骨飯 同 黑糖奶茶。1）茶燻雞佐烏龍茶漬飯-感覺好真材實料，因為未放到上枱已經聞到好大陣煙味。d雞皮係酸嘅，頭幾啖食覺得好大陣煙味同太酸，有d怪，但食落就ok。 食到最後連拌碟嘅青瓜都有煙味。原本預期個烏龍茶飯嘅茶係另上，可以因個人喜好去落茶。無諗過連茶一齊上都唔錯，比例剛剛好，但食到最底時，d飯已浸到太淋。2)古早味滷排骨飯-即係有塊大嘅炸豬排配碗滷肉飯。豬扒軟硬度適中，上面嘅醬有d 似南乳醬。而碗滷肉飯就份量剛好，不過肥肉比例就佔大多數。另外，兩個飯都跟個唔錯嘅小前菜-係少少酸帶薑辣嘅黑木耳 & 兩粒好酸嘅車厘茄。3） 凍黑糖奶茶-要加$15，本身已有珍珠包賣，珍珠顔色係啡色，但食落無乜黑糖味。奶茶整體都無乜茶味，可以係d冰溶晒嘅關係掛，感覺上
有一日嘅午膳時間 ，時光倒流去到60年代嘅灣仔，去 「1963 木十豆寸」食午餐。
餐廳嘅位置好方便—地鐵站行過去5分鐘左右，不過要行2層樓梯上去。會有窩心嘅提示同你加油！
book咗1點，早咗15分鐘到，好彩可以早入去都得，唔洗喺門口等。入面嘅裝修佈置整到六十年代d住宅咁，好去咗拍戲現場。
今次叫咗茶燻雞佐烏龍茶漬飯 ，古早味滷排骨飯 同 黑糖奶茶。
1）茶燻雞佐烏龍茶漬飯-感覺好真材實料，因為未放到上枱已經聞到好大陣煙味。d雞皮係酸嘅，頭幾啖食覺得好大陣煙味同太酸，有d怪，但食落就ok。 食到最後連拌碟嘅青瓜都有煙味。
煙燻雞扒茶漬飯
15 views
0 likes
0 comments
原本預期個烏龍茶飯嘅茶係另上，可以因個人喜好去落茶。無諗過連茶一齊上都唔錯，比例剛剛好，但食到最底時，d飯已浸到太淋。
2)古早味滷排骨飯-即係有塊大嘅炸豬排配碗滷肉飯。豬扒軟硬度適中，上面嘅醬有d 似南乳醬。而碗滷肉飯就份量剛好，不過肥肉比例就佔大多數。
排骨滷肉飯
14 views
0 likes
0 comments
另外，兩個飯都跟個唔錯嘅小前菜-係少少酸帶薑辣嘅黑木耳 & 兩粒好酸嘅車厘茄。
3） 凍黑糖奶茶-要加$15，本身已有珍珠包賣，珍珠顔色係啡色，但食落無乜黑糖味。奶茶整體都無乜茶味，可以係d冰溶晒嘅關係掛，感覺上只係飲到糖水加珍珠。
凍黑糖奶茶
14 views
0 likes
0 comments
結論係價錢偏貴，食物一般，但服務員好有禮貌& 環境好有特色， （如果有discount )都值得一試。
*餐具每件有唔同字句㗎！
Post
