至尊滿屋日本料理 (Closed)

放題選擇多，但一不小心就好易中伏，都係食朋友推薦嘅比較好，今日就嚟左至尊滿屋！一開頭就當然叫左刺身先啦，所有刺身都叫左少少試下，種類好多，全部都新鮮！其中以希靈魚，三文魚最為岀色，encore！！炸蟹蓋，除左蟹肉，仲有薯蓉同蔬菜做配料，味道簡單但美味，炸得香脆可口！炒牛肉粒，本身有醃過，所以非常有味道。燒牛肉，新鮮燒起，調味剛好。喺放題中少見嘅咖哩炒蟹，一份有半隻蟹，唔會好細隻無肉食，咖哩味十足，好想有白飯可以撈嚟食呢！特色壽司，呢間放題嘅壽司好特別，款式少見，其中最深刻係芒果龍蝦卷，芒果超甜，加上龍蝦，非常配合。炸雞翼，好脆口，但略嫌味道有點淡。燒比目魚，絕對有驚喜！入味軟滑，不輸比日本餐廳，正！另一驚喜係花膠！真係超膠，而且味鮮而健康，絕對抵食！最後有雪糕，movenpick嘅士多啤梨味有果肉又好味！