公和荳品廠

Open Now

Now Closed

下午見肚仔餓,本想到維記醫一醫肚,但經過公和荳品,而且聽聞此店又平又好食,所以先入內點一些東西吃。荳漿日日新鮮製造,有不同SIZE同不同甜度選擇。店面阿姐在整煎釀荳腐,睇賣相都好想食。我叫了煎釀荳腐荳卜雙拼, 加荳漿。先講荳漿,由細到大都覺得荳漿好好飲,好多時見店有得賣我都會叫返杯飲。公和呢杯荳漿真係我飲過暫時最好飲嘅,荳味夠濃而且甜得黎唔會過火,我非常推介大家一定要試,係必試。另外煎釀荳腐荳卜都好好味,特別是荳卜,同其他店唔同,特別好味。不愧有多年歷史,下次我要再試埋其他先得。