蘇媽.蘇媽馬來西亞茶餐室

Open Now

Now Closed

經開旺角，朋友話帶我去食一間網上好多人讚嘅馬來西亞餐廳到食。星期四大約中午十二點幾去食，門口有幾個人企係到睇餐牌，但竟然唔需要等位就入得，入面都坐咗幾多人，但仲有幾張空桌。環境算幾乾淨，幾光猛，裝潢充滿馬來西亞嘅特色。餐牌比較簡單，種類唔算特別好多。叫完嘢食之後，店員會比每人一碗肉骨茶，飲完係可以添飲～不過碗肉骨茶唔係好熱，只係微暖。湯咖哩米通粉 ＄52個湯有濃濃咖哩同椰汁嘅味，仲有啲薯仔，豆卜等配菜。見到其他食評話依碗湯咖哩米通粉好辣，但我個人覺得完全唔辣，不過有機會係我接受食辣嘅程度偏高！唔食得辣嘅朋友仔可能要諗清楚先好叫嚟試喇！肉骨茶（豬腳彎）$45唔會太重藥材味，性價比偏低。印度青蔥薄餅 ＄38完全唔特別，普通煎薄餅，自己買番屋企煎可能仲好味，唔推薦。油炸鬼 ＄15正正常常2個人埋單 $168，還可以，不過未必會再食多次。