蘇媽.蘇媽馬來西亞茶餐室

Open Now

Now Closed

又同同事出去覓食豐富嘅午餐，行到充滿文青嘅地方旺角618蘇媽蘇媽食個靚Lunch😋🍽️ 怡和芽菜雞呢間出名嘅馬拉菜餐廳，午餐見到佢有芽菜雞，二話不說即刻點咗嚟試吓，叫半隻就啱晒我哋😚雞油雞味夠晒嫩滑，配埋芽菜好Juicy😋🍽️ 百吉爹肉骨茶食馬來野點可以唔叫佢地嘅肉骨茶？所以揀咗佢哋推薦嘅馬來特色肉骨茶，啲肉好腍，啲湯好濃郁好有風味，飲落都好正宗，呢個係encore之選！因為Lunch嚟食，所以有lunch set包咗一碟油菜添，真係好抵😍🍽️ 怡保白咖啡套餐包咗一杯餐飲，一向鐘情咖啡嘅同事當然要試吓馬來西亞出名嘅怡保白咖啡☕️同事話味道好重😂咖啡味濃幾特色！🍽️ 麥皮蝦真係孤陋寡聞，原來馬拉菜其中特色之一嘅麥皮蝦喺香港都食到，所以我哋見到就即刻落單🦐估唔到有好多蝦，我哋食極都食唔晒需要打包，啲蝦新鮮大大隻用麥皮炒到乾脆，入晒味正呀！🍽️ 椰香咖央多士一直鍾情馬拉甜品，而家央多士係新馬必食甜品之一🍞脆卜卜嘅多士加埋咖央醬，真係不得了，清甜得來又夠鬆脆😍So yummmyyyyy~~~🍽️ 似水榴槤我仲叫咗一杯超級特飲，似水榴槤🍹即係貓山王配蔗汁，獨愛榴槤嘅我食得好滋味🤪滿足的晚餐！

🍝 椰香咖喱豬頸肉米通粉 HK$88・味道：咖喱湯底微微辣椒香，重椰奶味🥥，食落好上癮！豬頸肉油脂滿滿🐷，入口即融，外皮烤到焦脆，肉質嫩滑，配埋咖喱超香口👍🏻，米通粉中間通窿，所以好吸咖喱湯，咬落去滿滿咖喱味🥘，好食！・口感：米通粉薄身但微微煙韌，幾有咬口，浸耐湯都唔會淋晒，不錯吃！🍜 招牌沙煲老鼠粉 HK$88・味道：每次嚟必點招牌菜！焦香嘅老鼠粉好重豉油甜味，加埋肉碎、魚乾、菜脯、香蔥、蝦乾、豬油渣，全部都好香口🤤！・口感：乾爽但唔會食到好渴，有生蛋同醬油膏撈勻，好讚的撈粉！🍞 紫菜肉鬆咖央多士 HK$38・味道：比起普通咖央多咗肉鬆嘅鹹同紫菜嘅香🍘，整體甜甜鹹鹹，幾上癮～・口感：既有肉鬆嘅乾爽，又有咖央嘅濕潤而唔漿口，平衡咗多士嘅乾，掂🧋 馬來西亞拉茶 (凍) HK$29・味道：就係重紅茶香嘅奶茶！甜味偏向似煉奶🥛，但又唔係港底茶走／奶茶嘅香醇同甘口餘韻，反而係茶同奶嘅都係7成7成左右，平衡地淡口啲light啲，冇咁重味其實入口都幾舒服😋。・口感：滑而薄身但唔會苦澀・・・・・・・・・・・・・・・・・・・・🤰性價比：高～🤰9衝度：9衝～🤰結論：全世界都要食椰香咖喱豬頸肉米通粉🔥🔥🔥

餐廳雖然開在一個比較靜的地方，但晚上的人流量也挺不錯的，晚上快８點了，還都是滿座的，裝修也挺有東南亞風味，來吃飯也可以感受一下氣氛。麥皮蝦（１３８元）很少見的一個組合，令人想不出的味道，吃完以後挺有驚喜的。店員更特別說明一定要吃麥皮，比蝦更好吃。整個份量挺不錯的，因為全部都是能吃的，沒其他配菜，蝦經過炸香，再跟麥皮一起炒香，所以吃起來挺酥脆的，連殼都可以吃，而麥皮也是脆脆的口感，吃起來帶一份奶香味，配上青紅椒和九層塔的增香，挺惹味的。麥皮真的好吃！馬拉盞蝦米炒通菜（８２元）我們選了炒通茶，口感脆嫩，味道鹹香，加了蝦米後，有獨特的海鮮味，而且不會太鹹。椰香咖央多士（４２元）中間厚厚的一層咖央醬，而多士烘得非常香，中間還是挺鬆軟的，吃起來外脆內軟，咖央醬綿綿滑滑的，味道香甜，挺邪惡的。桔仔話梅水（３０元）加了話梅後，味道更酸甜，梅味挺香濃的，桔仔水本身挺清甜的。冬瓜龍眼茶（３０元）消暑必飲了，整杯喝起來都非常清爽，冬瓜清甜，還有冬瓜肉，也不會太甜膩。

旺角呢間蘇媽都幾大間🕌🍽️ 甲必丹咖哩炸魚柳飯🍛 $76 (7.5/10)甲必丹咖哩煮得幾香幾好味，不過魚柳同白飯就普通～🍽️ 魚仔醬炒蘿蔔糕🥙 $64 (8/10)蘿蔔糕好大份，可以當係一個主食！魚仔醬味非常濃郁，幾有馬來西亞特色🇲🇾但食多會覺得有啲重口味👅蘿蔔糕外層煎得好香脆，都幾飽肚～🍽️ 椰香咖央多士🍞 $42 (8.5/10)最想試就係咖央多士🤩應該係我最喜愛嘅馬來西亞小食啦😋牛油味勁濃🧈麵包烘得乾乾地微脆，不過我覺得可以再俾多啲咖央！餐廳仲有好多菜式都好吸引，下次要再黎試！🤩

朋友從美國返嚟敘舊，食完午飯，想搵個地方飲咖啡及繼續傾偈，經過蘇媽，見人不多，可能因為今早掛黑雨. #檳城亞參叻沙米線 $68湯底跟我在馬來西亞食過的亞參叻沙比較，蘇媽的食譜是辣味重過酸味，算是非常辣，選食這碗米線時要有心理準備🤣. 米線好滑，魚肉，洋蔥等的配料都配合得不錯.#馬來西亞拉茶（凍） $29正常拉茶一杯.#熱桔仔檸檬茶 $25正常桔仔檸檬茶一杯.#熱怡保白咖啡（走甜）$25朋友口水多過茶，要再叫多一杯飲品補充水份😆. 朋友話這杯咖啡好香，值得推介.

今日收工想食啲特別嘅菜式，所以拉埋同事一齊食蘇媽，性價比高，但質素唔差👍👍🌼怡保芽菜雞（半隻）隻雞幾滑，但底個醬料冇乜特別，比較似豉油雞汁嘅感覺，芽菜比較青但爽口，我自己就唔介意，鍾意點埋啲汁一齊食🤓🌼湯咖喱豬頸肉叻沙（摻摻）正常發揮，略嫌摻摻個份量有啲少，夾左幾啖就好似冇啦🌼椰香咖央多士好味！必叫！記得一定要趁熱食🌼焦糖開心果沙冰一般，開心果味唔算濃🌼美祿暴龍美祿味重，超大嘅一杯，鍾意朱古力嘅可以試吓🌼馬來西亞拉茶正常發揮，不過因為拉茶本來就好飲🤣

突然好想食馬拉/新加坡風味湯麵有一段時間冇嚟蘇媽點知風味水準不再（係咪易左手？）門口嘅下午茶menu 做招徠但紅日係冇呢樣嘢點左白咖喱海鮮米粉嚟到嘅係一碗椰汁湯海鮮米粉白咖喱醬去左邊？偷工減料定想魚目混珠？海鮮方面，隻蜆好腥，蝦係雪藏蝦（意料之內）呢碗野唯一優點係米粉量多，可以餵飽一個成年人咖央多士正正常常，嚟到叫侍應姨姨叫我哋趁熱食，食入口根本唔熱，暖都稱唔上斑斕椰汁冰飲唔到斑蘭味杯野似係椰奶溝色素，杯底有堆結埋一舊嘅西米我地用正價食呢一餐，水準、味道不再只能夠用濫竽充數嚟做總結呢次會係最後一次，呢間餐廳/品牌唔會再幫襯埋單只接受現金、微信支付，心照

肉骨茶肉骨茶的湯味道非常濃郁，香氣四溢，一聞就讓人食慾大開。豬骨煮得很入味，肉質鮮嫩，一口咬下去，滿口都是肉的香甜。湯頭更是滑順，喝一口就讓人想再來一碗！咖央多士咖央多士外皮烤得剛剛好，酥脆可口，裡面的奶油香濃得讓人心醉。這搭配肉骨茶簡直絕了，鹹香的肉骨茶搭配甜甜的多士，口感上的對比讓我吃得特別過癮。總結這頓肉骨茶和咖央多士的組合，是必試的美味，絕對不會讓你失望！環境幾大，適合一家人和朋友一起聚餐！

見到大部分review都係推薦砂煲老鼠粉但真係極度難食menu聲稱有豬肉碎、炸蒜、炸蔥、豬油渣、炸蝦米、乾魚仔、生蛋價錢$92 都真係唔平結果 其實麵沾9成，d料1成我食落去每啖都係得麵豬肉碎好大浸臊味魚乾好腥因為個老鼠粉係撈埋食，所以其實呢兩個餸唔好食就已經毀晒成碗我食咗三份一都冇，真係夾硬食個砂煲無咩作用，唔會話特別香口而呢個價錢嚟講正式一塊肉都冇真係算幾唔抵啲配料又平，大部份只係嗰個老鼠粉拉茶叫正常發揮，但叫到個咁貴嘅麵叫嘢飲都冇平杯拉茶又未至於值呢個價佢哋個雞扒麵又係勁鹹整體嚟講食物不匹配佢個價錢最緊要係個老鼠粉真係麻麻地😵‍💫

多年前一唸唔到食咩就會去食蘇媽，但價錢開始貴到唔合比例同食物質素每況愈下，之後就好少去。 今日唸唔到食咩就唸住試吓。。。 令到我要用十分鐘寫lee 段食評。叫咗砂窩老鼠粉，肉骨茶同個菜。老鼠粉一上枱，就心知不妙，以前個上個砂鍋係會＂啫啫＂聲。發現個底係燶咗一層，搵個職員反映，佢同我講點都係會燶嘅。佢話廚房只會教個時間器，煮5分鐘，所以係一定會有”少少”燶。 呢個煮食態度同服務質素，真係好傷心，以前一間咁有質素嘅食店，由咁多間分店，執淨一間。祝佢好運。

假日去上海街618行下，附近都有幾間食肆，不過見地面嘅呢間蘇媽.蘇媽環境寬敞有較多座位，可以入去慢慢坐，所以揀咗呢間食個late lunch。平日午餐有比較抵食嘅set lunch連飲品，假日就無呢個menu，只有全日適用嘅餐牌，一個主食連飲品動輒要超過$100，都唔算平。特製辣椒板麵 ($69) ★★★★✰蘇媽嘅肉骨茶同叻沙就食得多都好出名，今次試下比較少人食嘅板麵，用QR code落單有得揀辣度。板麵賣相好地道吸引，有蝦乾、魚乾、肉粒、半熟蛋同埋辣椒碎，撈埋一齊非常香口但又唔會太重口味。我尤其中意鹹鹹哋少少硬嘅魚乾，食落好有口感但同扁扁嘅板麵好夾。店員積極鼓勵我落啲黑豉油撈埋一齊食，不過我覺得就咁撈碗入面嘅辣椒碎食都夠味，好惹味。今次試新選項有驚喜，而且呢個麵嘅價錢合理，如果唔夠飽叫多份小食已經好滿足。舖內侍應人數充足，服務完全無問題。

要數到食正宗馬拉嘢一定係呢間🤩🤩今次同朋友嚟咗食佢最新嘅肉鬆咖央多士同埋大骨嘅肉骨茶🥳食完之後都覺得呢間餐廳唔會原地踏步都會出好多新口味🌟🍞肉鬆咖央多士 看到脆卜卜然後加咗肉鬆同埋咖央 滋味😍😍美味無窮😋估唔到肉鬆少少鹹加埋咖央甜係一個咁Perfect match😍🍖然後去到食馬拉嘢一定要食嘅大骨肉骨茶 加咗好多藥材料熬製嘅肉骨茶真係淨係飲佢個湯都夠晒滋味😍特別係佢夠大骨勁多肉勁好食🥰

上海街618係一幢非常有歴史價值嘅建築物，被列為保育項目，加入了店舖，食肆。呢間來自馬來西亞懷舊茶餐室坐落於嚟座建築物內，非常合適。百吉爹肉骨茶多種中草藥及香料熬製而成的濃湯，苦中帶甘、甘中有甜，溫潤而有餘韻，藥材香味與肉香互融，有多重感官嘅刺激。肉骨腍身，可以蘸點醬汁。醬汁有蒜蓉，辣椒、頭抽…. 等，另肉骨味道更上一層。椰香咖央多士金黃焦香嘅外層，十分鬆脆。咖央醬本是在星馬普遍的食用醬料，由斑蘭葉、雞蛋、椰糖及椰奶…製成，甜而不膩。椰汁斑蘭冰香濃椰奶混合芬芳班蘭，非常順喉，涼透心。

每一次去到旺角，我就會不期然咁去食:蘇媽。蘇媽，😋入去到帶給我滿滿情懷💜嘅裝修，加上服務員態度非常好親切，真係一種温暖感😍。我每次必食嘅蜜糖🍯燒雞翼，燒得真係好好味，燒到皮脆肉嫩好juicy ，蜜汁雞翼我最鍾意食！還有我嘅必叫之選招牌砂煲老鼠粉，鑊氣十足，熱騰騰嘅煲加上醬油炒過嘅香氣，真係食指大動😉怡保手撕雞湯貴刁，貴刁即係河粉，吸收晒雞湯嘅精華，滑不溜口！桔仔茶嘅香氣，包你飲過返尋味，yummy ！

幫襯過蘇媽好多次，每次都會嚟幫襯佢嘅一字骨肉骨茶，甲為真係好鍾意佢嗰種豐富嘅藥材香氣！今次嚟試下新嘢。招牌沙煲老鼠粉上桌時仍沸騰冒煙，以黑醬油炒製的老鼠粉十分Q彈，拌入半熟蛋、肉碎，魚仔，炸蒜及蔥油，鑊氣與蛋汁煎中濃郁醬香，底部粉焦脆片完全係精華！另一道高佬麵搭配煎至脆卜卜的雞扒，外脆內嫩且醃得入味，沾上沙茶醬更添辛香層次。馬拉小食拼盤幾有驚喜，有燒雞串，燒豬串，咖哩角，咖哩酥，肉卷，最鍾意係有好多嘅蝦片！又飽肚又香脆！甜品整返個椰香咖央多士，多士烘得酥脆如餅乾，夾心椰汁咖央醬厚實綿密，充滿斑蘭香氣！配埋美祿暴龍超級正，杯底係特濃美祿，面頭係美祿粉同美祿波波，再加咗球椰子雪糕，罪惡感與滿足感爆登。