Read full review
2017-04-29
64 views
趁係旺角拎完報告， 同媽子由旺角慢慢行到深水埗都不過差唔多行左2個鐘，睇下零食又睇下買下健康食品，一場來到深水埗，梗係要睇下媽用來買餸時揹嘅手袋，去到福榮街果頭有幾間大排檔，肚子又餓了，發現附近有間甜品鋪裡面裝修簡潔，牆上掛左啲甜品相，都好吸引呢！5點鐘度，入面都坐左3成客，見到好多人食椰皇子，問一問店員有咩推介，都是話椰皇子，而最新穎嘅是黑松露雪糕椰皇子! 無諗過黑松露可以整成雪糕，好滑好creamy，香香的黑松露味雪糕上面仲有玫瑰花碎，椰皇子裡面是椰汁整嘅啫哩，好新鮮呀！ 簡直睇得又食得最愛榴槤嘅我又點少得食榴槤嘅甜品吖，見人推介榴槤班戟，食梗你啦！皮都幾煙韌，啲榴槤肉打到好滑，一定剛好熟透，好甜好重味，但未去到過熟果種苦味(太熟會有點臭)，好好食喔！由於好多甜品都想試，2款都是凍，來返個熱嘅，中和下先~海底椰燉鮮奶-有3粒黑芝麻湯圓，黑芝麻餡偏甜，燉奶無咁甜，勁滑和香，配搭起來不錯呀！椰子肉仲可以食埋，因為太飽，食左2啖放棄，但好爽，唔硬，食得落都會同佢清埋P.S. 店員好親切，上海底椰燉鮮奶時仲提醒我地小心熱，非常細心仲有得儲印免費換甜品，一定要再來試其他甜品
裡面裝修簡潔，牆上掛左啲甜品相，都好吸引呢！
5點鐘度，入面都坐左3成客，見到好多人食椰皇子，問一問店員有咩推介，都是話椰皇子，而最新穎嘅是黑松露雪糕椰皇子! 無諗過黑松露可以整成雪糕，好滑好creamy，香香的黑松露味雪糕上面仲有玫瑰花碎，椰皇子裡面是椰汁整嘅啫哩，好新鮮呀！ 簡直睇得又食得
最愛榴槤嘅我又點少得食榴槤嘅甜品吖，見人推介榴槤班戟，食梗你啦！
榴槤班戟
$38
10 views
0 likes
0 comments
皮都幾煙韌，啲榴槤肉打到好滑，一定剛好熟透，好甜好重味，但未去到過熟果種苦味(太熟會有點臭)，好好食喔！
由於好多甜品都想試，2款都是凍，來返個熱嘅，中和下先~
海底椰燉鮮奶-有3粒黑芝麻湯圓，黑芝麻餡偏甜，燉奶無咁甜，勁滑和香，配搭起來不錯呀！
海底椰燉鮮奶
$26
12 views
0 likes
0 comments
椰子肉仲可以食埋，因為太飽，食左2啖放棄，但好爽，唔硬，食得落都會同佢清埋
P.S. 店員好親切，上海底椰燉鮮奶時仲提醒我地小心熱，非常細心
仲有得儲印免費換甜品，一定要再來試其他甜品
黑松露雪糕椰皇子
$45
17 views
0 likes
0 comments
Post
