248
32
12
4-min walk from Exit B2, Sham Shui Po MTR Station continue reading
All Branches (3)
Telephone
26680748
Introduction
A small-scale dessert restaurant with a chocolate fountain and free British ice teas provided. The restaurant owner also prepares some props for people to take snaps. continue reading
Opening Hours
Today
13:00 - 02:00
Mon - Thu
14:00 - 01:00
Fri - Sat
13:00 - 02:00
Sun
13:00 - 01:00
Public Holiday
13:00 - 02:00
Public Holiday Eve
13:00 - 02:00
Payment Method
Cash
Number of Seats
40
Other Info
Open Till Late
Parking
10% Service Charge
Outdoor Seating
Review (318)
Level4 2018-02-01
1423 views
有朋自遠方回來,不亦樂乎?以前大學時期晶見面,而家幾個月先可以就到大家出來見而食個飯,實在非常難得,所以每次也會更加珍惜彼此見面的時間。 食完晚飯後,再搵個地方食甜品。朋友一直想試呢間甜入心,今日終於有機會啦,食完晚飯行幾步就到左啦! 店員熱情的招待,坐下不久就送試果茶給我們,非常細心體貼! 🍡長洲大魚蛋($15/2粒) 雖然吃過晚飯,但亦無阻我地繼續吃!大魚蛋爽口彈牙,配埋香辣咖哩醬香惹美味! 🍨榴蓮飄香椰皇子($49) 椰皇子是店內招牌甜品之一,豈能不試呢? 同朋友都對榴蓮情有獨鍾,所以一口氣點了兩個榴蓮甜品。 椰皇子上蓋上新鮮榴蓮肉,內裡有清甜又解渴的椰青啫哩,味道極佳,不愧為招牌甜品👍🏻 👵🏻天荒地老.榴蓮摩天輪🎡($42) 名字取名很特別的,配以榴蓮、水晶珠和榴蓮冰涼又夠凍,味道不假之餘又好香榴蓮本身香味,同朋友食唔停口! 🍫朱古力心連心窩夫($39) 朱古力心連心窩夫製作需時,但慢工出細貨,出來的食物自然有質素呢!窩夫香脆又美味,不像外面吃到的軟腍又多粉,配以濃濃的朱古力雪糕一起吃真的很滋味呢! 🍌香蕉雪糕控🍦($35) 👉🏻加焦糖布甸味雪糕🍮($7) 朋友愛吃雪糕,所以點了香蕉船,備有三款口味三糕外,更額外多點一球焦糖布甸味雪糕,一次過滿足佢四個願望,實在太貪心啦🙈 店內服務非常周到,一大班人吃完甜品難免會坐下來談談天,店員會幫忙收拾及清理桌子,讓我們可以慢慢坐、慢慢傾,實在太好了😍 continue reading
(The above review is the personal opinion of an user which does not represent OpenRice's point of view.)
確實受歡迎的甜入心 Featured Review
Level4 2018-01-30
847 views
最近天氣轉凍, 除左著多D衫外, 食野亦係保暖方法之一。和同事去深水埗睇完貨辦, 時間都差不多5點。同事想搵地方坐下食野。附近雖然茶餐廳很多, 我地又唔想食得太過量。最後揀左 。 係糖水店, 有糖水, 小食, 飲品。餐廳位於深水埗, 由港鐵站行去大約9分鐘。之前食過一次所以地點唔難搵。小店除左有糖水食, 最特別係免費果茶飲, 好貼心。小店好光猛, 牆壁上貼了不同員工相片, 好親切。亦有小小佈置比你影相用。我地唔係好肚餓, 只係ORDER左以下新產品 :芝士焦糖布甸燒 $32碗仔翅 + 長洲大魚蛋 (套餐價)$28芝士焦糖布甸燒焦糖味重, 布甸夠蛋味。底層有蛋糕, 蛋糕很軟綿綿。整個不錯。碗仔翅 + 長洲大魚蛋 長洲大魚蛋同長洲大魚蛋一樣SIZE, 魚蛋夠彈有味。加上咖喱汁,唔會好辣。碗仔翅而家唔多地方有香港式的碗仔翅, 呢碗碗仔翅材料及份量真係好多, 包括 : 黑木耳絲, 粉絲, 冬菇絲, 腐皮絲。味道咸淡適宜, 食晒都好飽肚。甜品店夠清淨又清潔, 與同事邊食邊傾都唔會催促你, 而且仲可以飲下果茶。甜入心真係一間唔錯的甜品店, 難怪係淘大分店晚晚都咁多人。 continue reading
(The above review is the personal opinion of an user which does not represent OpenRice's point of view.)
甜入心 正爆燈 Featured Review
Level4 2018-01-10
73 views
每次口痕想食飯飯後甜品, 都會諗起去深水埗, 因為呢區甜品店較多, 但我就大多數都唔會揀近黃金果頭嘅甜品店, 怕街上人流太多, 所以寧願行遠少少幫襯 “甜入心”。 一如以往, 雖然店舖不大, 但座位坐得比較舒服, 唔洗坐到咁逼夾, 而且睇得出有花心思去搞店內嘅裝飾。餐牌嘅底用木板承托住, 而每頁MENU都過晒膠, 感覺好整潔, 某D甜品仲有長者及學生優惠價添。 太太係甜品控, 好多款都想試, 所以今次叫左4款甜品小食。 免費自助區 - 熱情果茶有淡淡嘅熱情果香味, 清清地幾好, 食完甜品飲番啖清一清喉嚨都唔錯。焦糖布甸椰皇子(熱) $39係必食嘅椰皇系列之一, 原個椰皇上俾你, 最上層係焦糖布甸, 下面有椰汁果凍。 個焦糖布甸口感好滑, 蛋香味重, 而底下個椰汁果凍同樣出色, 有超濃郁嘅椰汁味。 最後仲可以挖清椰殼入面果D椰肉食添。芝士焦糖布甸燒 $32店員推介嘅新產品, 上層係焦糖布甸, 下層係芝士蛋糕, 呢個配搭都幾新鮮, 可以一啖就品嚐到焦糖布甸加芝士蛋糕嘅味道, 而且亦一時間試到焦糖布甸滑嘟嘟及芝士蛋糕較軟身嘅口感。玄綠是你(熱) $42喜歡食心太軟但又怕朱古力味太甜太”漏”, 呢個選擇都唔錯。 綠茶味嘅心太軟配上綠茶雪糕, 伴碟仲有D糖漿同脆脆。  心太軟外層焗到好香脆, 切開中間後D流心大量湧出, 綠茶味流心香濃得黎又唔會太甜, 連埋綠茶雪糕, 糖漿同脆脆一齊食, 口感好特別, 同一時間有凍+熱+脆卜卜嘅感覺。咖哩魚蛋拼碗仔翅 好少甜品店有得食, 魚蛋大大粒, 好彈牙, 配上香辣咖哩, 勁正 !! 個碗仔翅好足料, 有冬茹絲、木耳絲、竹筍絲 …. 好夠味, 如果有配埋紅浙醋就 Prefect 喇 !! continue reading
(The above review is the personal opinion of an user which does not represent OpenRice's point of view.)
甜在心頭 Featured Review
Level4 2017-12-27
896 views
在深水埗晚飯過後,總是欠缺甜品,於是在網上找找資料。來到店前,記得曾在此吃過甜品,可是此店的裝飾又有別另一分店,不知可否再回味一番。此店的裝飾並不是女孩之夢,卻是別緻一點,卻有紀念館的感覺。還有拍照道具,別出心裁,想客人留下美好的開心時刻。同樣地有著自助花茶,卻普通了一點。花茶的味道及顏色,比較淡及色澤較淺。餐牌卻很精美,以木板作主,每頁也有「過膠」工序,非常的精心。看到新產品的餐牌上有紫薯,於是先要一份紫許有你,即是芋圓丸。中間的紫薯蓉入口散開,紫薯味香,軟綿綿口感,非常不錯。當中還有椰汁、豆腐花、小丸子、紫薯丸、南瓜丸等,每種都非常有咬感,配合著椰汁的香,令人難忘。吃過紫許有你後,還想再吃一點,於是再要一份侯爵特濃72心太軟。這個心版的心太軟,卻是以一個小杯送上,流心留在在杯內,則不會浪費,這點個人卻非常喜歡。心太軟的外皮稍脆,很有咬感,朱古力非常香濃。將外皮打開,感覺就有如火山爆發一樣,入口朱古力甜味重,更為香濃。香草雪糕同樣甜,入口滑滑,香草氣味很香濃特別。一口氣吃下兩個甜品,真的很滿足。甜品的滋味,真的很為人吸引,這種甜入心的味道,令人難以忘記。 continue reading
(The above review is the personal opinion of an user which does not represent OpenRice's point of view.)
Level5 2017-10-24
973 views
自從上年年尾,我在牛頭角「淘大商場」的甜品店「甜入心」食過朱古力榛子窩夫,之後我一直沒有再刻意再上門幫襯。我再沒有上門幫襯「甜入心」,其中一個很重要的原因,就是牛頭角「甜入心」沒有最近我最喜愛的韓國雪奶冰甜品。再加上我跟「甜入心」另一款著名甜品「西瓜豆腐花」沒有緣份,多次上門都不幸在暑假後才幫襯,錯失食「西瓜豆腐花」的黃金機會,自從我對牛頭角「甜入心」興趣漸減,為了食韓國雪奶冰,而轉投向韓國餐廳「Gooxxe Chixxen」的懷抱。事隔一年之後,我知道了「甜入心」在深水埗的分店,原來有提供韓國雪奶冰。於是某一晚上打定主意,趕過去深水埗,看看深水埗「甜入心」是否有韓國雪奶冰提供,但結果還是讓我一再失望而回。我一進入深水埗「甜入心」,就立刻看見場內大部分食客,很多都在食椰皇以及窩夫,偏偏不見西瓜豆腐花和雪奶冰的蹤影,我立刻大感不妙。結果我一找侍應前來,詢問過方告如夢初醒,韓國雪奶冰又無法提供,西瓜豆腐花已經過了供應時期,全部又要停售,侍應的答覆,令我徹底陷入失望的深淵。這次是繼之前我在旺角韓國甜品餐廳「Nxn Dessert」,遇上餐廳侍應說雪奶冰,因為雪奶機機件故障而無法提供之後,我再一次因為韓國雪奶冰,而又一再陷入想吃又不能吃的尷尬局面。但是我現在,真的已經對燉椰皇,或者榛子窩夫等「熱門甜品」已經再提不起食慾,更加不要再要我食榛子窩夫甜品。但是如果現在這一刻,我貿貿然放棄點菜,起身彿袖離開「甜入心」的話,很肯定我以後很難再在牛頭角「甜入心」店門面前出現,就算只是淡然徒步經過牛頭角「甜入心」的店門,我也恐怕變得很尷尬。於是我唯有硬着頭皮,在「甜入心」剩下的餐牌之中選擇一款,價錢不會太昂貴的甜品,勉強吃完結賬離開「甜入心」就算數了。撇開窩夫、燉椰皇、西瓜豆腐花以及雪奶冰幾款「甜入心」甜品之後,深水埗「甜入心」剩下適合現在的我食的甜品,只剩下一些飲品類的甜品。再撇除所有含咖啡因,紅茶類或者可可鹼的飲品,「甜入心」最後只剩下「益力多沙冰」、「芒芒不忙」、「北極光」以及「峰之戀」算甜品飲品可以給我選擇。結果我硬着頭皮,點了一杯收港幣二十八元的飲品「峰之戀」。看圖片,看甜品名稱,都不難推測得出,「峰之戀」是日本巨峰提子飲品,再加上雪糕作頂層裝飾的雪糕凍飲。只是區區一杯「峰之戀」,深水埗「甜入心」最後還是花了快十多分鐘的時間,才能完成到一杯雪糕飲品「峰之戀」。「峰之戀」裡面的日本巨峰提子飲品,顏色不是太深,但無法單憑肉眼判斷,就立刻判定「峰之戀」的巨峰飲品味道不是來自純天然,原裝日本巨峰提子鮮榨出來的果汁。「峰之戀」裡面的巨峰提子飲品,我發現巨峰提子的糖漿甜味實在太濃厚,濃厚得來實在太明顯,即使混合了雲呢拿雪糕後,雲呢拿雪糕的味道融入巨峰提子味有汽飲品後,巨峰提子飲品味道依然沒有絲毫變動。另一方面,雲呢拿雪糕份量有限,若然把雪糕率先吃完,剩下的巨峰提子飲品味道就會變得很單薄,糖漿的甜味變濃。但若然把雲呢拿雪糕撈勻,融入巨峰提子飲品的話,最終「峰之戀」飲品的味道,就會淪為巨峰提子混合雲呢拿的版本凍飲飲品,就不再會是雪糕飲品。所以「峰之戀」出來的價值,遠遠不如「甜入心」其餘甜品那麼抵食抵飲,猶如雞肋,「食之無肉,棄之有味」。食「峰之戀」雪糕又不划算,撈勻來享用,最終只會淪為一杯甜味飲品而已。只可惜現在的「甜入心」,已經可以下結論,徹底淪為只有窩夫甜品,和燉椰皇兩款招牌甜品的尋常甜品店。這兩款招牌「甜品」,現在坊間有些甜品店,都經常有機會可以找到,不再矜貴。最後我在「甜入心」深水埗分店,什麼想吃的甜品都吃不到,只剩下一杯巨峰提子飲品,加一球雲呢拿雪糕。「峰之戀」成為了我在「甜入心」最後吃到的甜品,喝到的飲品,我以後應該不會再光顧「甜入心」。整晚在深水埗「甜入心」,最後得到的經歷告訴我,想吃韓國雪奶,還是去「Goxxne Chxxken」吃「雪奶冰」好過,人家的大型雪奶機,長期飄下粉狀雪奶冰粉,店員很快就能做好一客雪奶冰甜品,坊間一般甜品店又如何輕易做到? continue reading
(The above review is the personal opinion of an user which does not represent OpenRice's point of view.)