Video
Read full review
2021-06-19
456 views
好耐無食過有人服侍既鐵板燒，就特登早左4日book左呢間諗住試下。我地book左6點半鐵板bar枱，本來一切都相安無事，點知前一日餐廳打黎confirm booking個陣就問我地會唔會可以早d到，因為有幾一枱客人想book 8點要俾張枱佢，話如果早唔到去就食甜品個陣轉我地去普通枱，最多送番野飲俾我地。當下即刻扣晒印象分，你估茶記問你轉去卡位好唔好咩明明我book個陣都無話有限時，因為我想早食飯就要就埋你想做多一轉生意？做到自己 cheap晒。如果唔係星期五銅鑼灣唔book位根本無野可以食，我肯定即刻cancel booking最後我只係話我早到就早，無應承佢話我無問題。（當然我唔敢講得太狠，一陣人地私人醒d野我嘆就唔得了...)終於我地當日6點3上到去，個staff重要提多我地一次話''同事係咪confirm左你地８點要交番張枱啦？''根本同趕客無分別。(當時心諗應該都食得切，點知原來真係好趕。) 成餐飯淨係覺得所有staff講野行路動作都好快，沖茶沖得密係好，但唔洗每3分鐘快步衝過黎睇人地隻杯吧收碟既staff又係，我食食下個前菜要聽個電話姐，佢又即刻收走我碟野，唔係我叫住佢就無左
終於我地當日6點3上到去，個staff重要提多我地一次話''同事係咪confirm左你地８點要交番張枱啦？''根本同趕客無分別。(當時心諗應該都食得切，點知原來真係好趕。) 成餐飯淨係覺得所有staff講野行路動作都好快，沖茶沖得密係好，但唔洗每3分鐘快步衝過黎睇人地隻杯吧收碟既staff又係，我食食下個前菜要聽個電話姐，佢又即刻收走我碟野，唔係我叫住佢就無左半隻溫泉蛋 想我8點交枱姐，都唔係咁催下嘛
講番野食，只可以話相當普通，唔會想番兜。
沙律不值一提，粒車厘茄重要連住個”ding”添
海膽黑松露溫泉蛋，外表幾精緻，海膽唔腥不過都唔鮮，食唔出有黑松露。
我個人幾中意個廣島蠔，襯埋煙肉櫻花蝦好脆口不過蠔有少少老得制
澳洲牛柳，明明叫5成，但側邊幾舊太老了
炒飯加左銀魚仔，又係脆口野我中意
味噌湯，加左帶子入去個人覺得有d腥
食到甜品既時候７點50分，竟然有侍應走過黎問我地埋左張單先得唔得宜家我去左食自助餐咩？俾我靜靜地食埋杯雪糕都唔得，真係要8點準時趕我地走？野食唔出色，訂位安排更係強差人意。唔係你講野有禮貌就得嫁，加幾句''請問'' ''麻煩你'' 唔會合理化你趕客既行為。
總結全篇，雖然我地叫左menu上最平個個餐，但都唔係真係太平，而且趕客行為睇黎係唔分你叫左咩餐。因為由訂位一刻已經令我相常不悅。成間餐廳個vibe係比較嘈同急，如果想嘆住食餐飯既，我估去其他地方比較好
Post
