張公子

Open Now

Now Closed

張公子地址：觀塘駿業街58號3樓最近食得多西餐，突然想食返中式嘢！今次就嚟咗呢間喺觀塘工業區嘅張公子😄入到去環境都好寬敞坐得好舒服👍👍第一道菜試咗佢哋嘅招牌張公子叉燒呢碟叉燒係用黑毛豬做嘅,入口非常嫩 外酥內軟 香口多汁!!佢仲做到厚切都咁好味，簡直一絕🥹🥹跟住我哋就試咗佢哋嘅艷影蝦球一上到嚟買相已經好吸引😋😋本來以為係細細粒，點知都有一隻拳頭咁大喎!甜甜酸酸加埋隻蝦大大隻真係好滿足！正正正！有肉梗係要有菜啦第三道菜我哋就試咗腐竹蕃茄浸菜苗佢個湯真係蕃茄湯嚟嘅，成碟都好有蕃茄味，感覺好健康，菜苗好鮮嫩，仲有腐竹夾埋一齊食Perfect 最後我哋仲試埋佢嘅雲南野菌蒸雞同出邊啲北菇蒸雞真係唔同，佢哋係用咗好多種野箘黎煮，啲菇索哂d雞汁 ，諗到都想再食！呢度啲嘢咁正，嚟緊冬至都諗吓可以喺度食 ，臨走多口問咗句，原來有房可以book 仲有套餐叫添，真係可以尽情享受著美食和家人之間的溫馨時光。