Video
Read full review
2024-03-27
77 views
本HONBU今次要介紹觀塘一間工廈入面特色餐廳，呢間餐廳位於觀塘豐利中心5樓，沿途輪椅人士都好方便，唯一唔方便嘅就係餐廳門口比較狹窄，幸好店員主動打開另外一道門，咁我先可以順利入去食Lunch。入到呢間餐廳空間比較闊落，除咗有室內坐位，仲有戶外座位比人揀，我怕熱就揀咗室內座位坐，餐廳係用QR code落單！1.香煎醉三黃雞上庄配油雞油金華火腿陳腎飯（1/4隻雞,雞翼連胸）+跟餐餐湯$158+朱古力咖啡$28（9/10）呢碟香煎醉三黃雞上庄食落有少少花雕酒香味，雞髀肉質嫩滑又多汁，其他配菜仲有菜心苗同金針菇等。陳腎飯好香，雞油同金華火腿嘅油落哂喺飯度，飯食落有少少似糯米飯，好好食！餐湯係菜乾豬骨湯，除咗有菜乾，仲有雪耳等，好好飲！朱古力咖啡：呢杯朱古力咖啡如果單叫要$48，依家跟餐只需要$28，朱古力夠苦，咖啡香濃，面上仲加咗輕盈嘅忌廉同朱古力醬，超好飲！2.蟹皇蟹肉意大利麵+跟餐餐湯$138（8/10）呢碟蟹皇蟹肉意大利麵入面嘅蟹肉超多，意大利麵彈牙唔韌又掛到汁，只係有少少咸，其他都ok！餐湯係菜乾豬骨湯，除咗有菜乾，仲有雪耳等，好好飲！3.粉紅西柚梳打$68（9/10）呢杯好粉紅嘅西
今次要介紹觀塘一間工廈入面特色餐廳，呢間餐廳位於觀塘豐利中心5樓，沿途輪椅人士都好方便，唯一唔方便嘅就係餐廳門口比較狹窄，幸好店員主動打開另外一道門，咁我先可以順利入去食Lunch。
入到呢間餐廳空間比較闊落，除咗有室內坐位，仲有戶外座位比人揀，我怕熱就揀咗室內座位坐，餐廳係用QR code落單！
1.香煎醉三黃雞上庄配油雞油金華火腿陳腎飯（1/4隻雞,雞翼連胸）+跟餐餐湯$158+朱古力咖啡$28（9/10）
呢碟香煎醉三黃雞上庄食落有少少花雕酒香味，雞髀肉質嫩滑又多汁，其他配菜仲有菜心苗同金針菇等。陳腎飯好香，雞油同金華火腿嘅油落哂喺飯度，飯食落有少少似糯米飯，好好食！
餐湯係菜乾豬骨湯，除咗有菜乾，仲有雪耳等，好好飲！
朱古力咖啡：呢杯朱古力咖啡如果單叫要$48，依家跟餐只需要$28，朱古力夠苦，咖啡香濃，面上仲加咗輕盈嘅忌廉同朱古力醬，超好飲！
2.蟹皇蟹肉意大利麵+跟餐餐湯$138（8/10）
呢碟蟹皇蟹肉意大利麵入面嘅蟹肉超多，意大利麵彈牙唔韌又掛到汁，只係有少少咸，其他都ok！
餐湯係菜乾豬骨湯，除咗有菜乾，仲有雪耳等，好好飲！
3.粉紅西柚梳打$68（9/10）
呢杯好粉紅嘅西柚梳打有淡淡西柚味，配上梳打感覺好清新！
4.夜市粟米（4條）$38（8.5/10）
呢個粟米燒過，一碟有四件，細細舊好易食，又甜又多汁！
5.法式多士$58（9.5/10）
呢個法式多士外脆內軟，入面蛋黃好香，又唔油膩，碟邊仲有糖漿同忌廉比你點嚟食，一碟共兩件法式多士，超好食！
6.焦糖燉蛋$58（9.5/10）
面頭係燒過嘅焦糖，好脆嘅糖下面係好香好滑嘅蛋黃，仲好似食到紅莓果肉，份量啱啱好，係好完美嘅飯後甜品！
2人總共價錢$568，有加一服務費！
個人口味總評分：8.92/10
@honbu_hk
地址：觀塘開源道52-54號豐利中心5樓509號舖
Please follow me🙆♂️ @wheelchaireatinhongkong
如果鍾意我嘅分享，麻煩請follow我，仲有記得Like同Share！🙏🏻🙇🏻♂️
#本 #HONBU #香港美食 #荃灣美食 #荃灣好去處 #hkig #hkboy #hkfoodie #hkfoodblogger #hkfoodpic #hkfoods #hkfoodshare #dessert #hkdessertshop #food #hkfoodstagram #hkfoodpic #hkigfood #foodiehk #yummy #delicious #foodie #hkfoodieblogger #hkfoodies #wheelchaireatinhongkong
Post
