張公子

Open Now

Now Closed

呢間中菜館原來改左名食物質素仍然保持水準座位闊落 亦幾舒適見到唔少人食片皮鴨好吸引茶係會熱住保持溫度 好貼心🔸張公子叉燒 $258色澤好亮麗，肥瘦啱啱好，叉燒嘅外層燒到好焦香，沾上蜜汁食落好惹味。肉質非常軟腍，而且鎖住晒肉汁，非常Juicy。🔸艷影蝦球 $100一碟有四件， 蝦球嘅size有成個拳頭咁大，外層金黃色非常吸睛，沾上滿滿嘅檸檬汁非常開胃。裡面嘅蝦肉鮮甜彈牙，整道菜嘅配合相當唔錯。🔸咕嚕咕嚕 $148咕嚕肉嘅外層炸得好酥脆，加埋菠蘿、三色椒同埋洋蔥去炒，再配合埋酸酸地嘅汁，真係好味到停唔到口。🔸鮮腐竹蕃茄浸菜苗 $122食咗咁多肉梗係要食返啲菜，菜苗非常嫩綠新鮮，食落口感爽嫩，配埋腐竹同埋蕃茄食鮮味十足。