Video
Read full review
2008-08-15
22 views
七月廿八日, 今晚本來諗住一收工就走過去《ELEMENT》度睇《WALL.E》,但因為收工先嚟開會, 所以去到已經冇飛賣啦! 即日得噃最前果行半咋! 唯有諗地方食飯啦!老公記得我成日話想食「避風塘炒蟹」, 於是決定同我去廟街《興記》度食蟹!主菜當然要整個「避風塘炒蟹」($120) , 份量都算係咁, 有兩隻蟹, 有膏有肉, 絕對唔係水蟹, 亦食得出唔係死蟹,不過都係炒得唔夠香, 亦一啲都唔辣, 我諗銅記啲咩橋底炒蟹會正啲!「清蒸聖子」($55), 都唔錯, 份量算幾多, 亦幾好味, 不過今次有一、兩隻蒸得唔夠熟, 同埋有一隻有少少砂。「蝦醬炒通菜」($20), 夠晒味, 不過啲通菜唔夠靚喎~當然唔少得叫個煲仔飯啦! 我都係最鍾意食「腊腸雞煲仔飯」($25),唔可以話呢度既煲仔飯好好食, 因為啲飯通常都唔入味,只可以話呢度既煲仔飯係最平最抵食既, 過吓口癮都唔錯! 更詳細資料及圖片請看 : http://hk.myblog.yahoo.com/joycewai616/article?mid=9718
但因為收工先嚟開會, 所以去到已經冇飛賣啦! 即日得噃最前果行半咋! 唯有諗地方食飯啦!
老公記得我成日話想食「避風塘炒蟹」, 於是決定同我去廟街《興記》度食蟹!
主菜當然要整個「避風塘炒蟹」($120) ,
份量都算係咁, 有兩隻蟹, 有膏有肉, 絕對唔係水蟹, 亦食得出唔係死蟹,
不過都係炒得唔夠香, 亦一啲都唔辣, 我諗銅記啲咩橋底炒蟹會正啲!
「清蒸聖子」($55), 都唔錯, 份量算幾多, 亦幾好味,
不過今次有一、兩隻蒸得唔夠熟, 同埋有一隻有少少砂。
「蝦醬炒通菜」($20), 夠晒味, 不過啲通菜唔夠靚喎~
當然唔少得叫個煲仔飯啦! 我都係最鍾意食「腊腸雞煲仔飯」($25),
唔可以話呢度既煲仔飯好好食, 因為啲飯通常都唔入味,
只可以話呢度既煲仔飯係最平最抵食既, 過吓口癮都唔錯!
更詳細資料及圖片請看 : http://hk.myblog.yahoo.com/joycewai616/article?mid=9718
Post
