NN Coffee

Open Now

Now Closed

西貢NN Coffee樓高兩層，環境讓人感覺舒適悠閒，仲有少量室外座位，可以帶埋寵物一齊嚟Chill一Chill。明太子龍蝦手工意粉：原隻龍蝦擺盤，非常吸引眼球，龍蝦肉肉質鮮嫩有彈性，龍蝦忌廉醬汁和明太子既味道互相融合，味道層次分明，手工製扁意粉軟硬適中，而且十分掛汁。日式磯煮時令鮑魚月見蕎麥麵：小店用醬汁及昆布慢火去炆鮑魚，令肉質保持鮮嫩彈牙，月見蕎麥麵係「看見月亮」既意思，小店將糖心蛋視作圓月，將蛋液打散和著蕎麥麵一起吃，味道更香濃柔和。豆腐鮮奶咖啡：咖啡入口香濃，後有奶香，底層既豆腐花，中和左咖啡既苦澀，味道好夾。富士山雪糕梳打：呢杯飲品色澤繽紛，放左一球雲呢拿雪糕在最上面，造型有D似富士山，味道有驚喜。總結，餐廳食物質素非常有誠意，客人可同時享受西貢時令海鮮，期待再次回訪。