頑石燒肉所 (Closed)

好耐無食過吉列牛喇，放假過海行下，揀左西環頑石燒肉所，一間好日本既小店🇯🇵小至門面招牌至店內牆上裝飾海報，都行浮誇路線😆佢主打石燒肉🥩lunch 亦都有丼飯🍱我地想食燒肉，叫左牛舌二食，另一個要A4黑毛和牛吉列牛。牛舌二食有厚切牛舌芯、牛舌薄片，各有6片，石板上有牛脂粒俾你搽一搽塊熱石🔥以免燒燶。牛舌口感彈牙，有海鹽/燒汁/蒜蓉俾你點黎食。A4黑毛和牛吉列牛好推薦💯佢個吉列皮好脆，炸粉唔會過厚，A4黑毛和牛上面既油脂分布都好平均，燒完有好香濃牛味🥰燒肉加錢可以升級套餐，會有蜆湯＋雜菜沙律＋白飯+汽水。薯仔沙律都好好味😍😍可以將白飯轉做月見蛋紫菜飯或牛蒡燒肉汁紫菜拌飯。我地要左各一，對比起月見蛋紫菜飯，我個人更加鐘意牛蒡燒肉汁紫菜拌飯，勁鐘意😍一來係少見啲，二來佢有一絲絲牛蒡、蘿蔔粒、飯素etc，味道好好甜甜地咁好開胃🤤加左個雞皮餃子🐥都幾大件，外面脆脆地，中間既餡料脤卜卜🥟都幾好食。飲品本身配汽水，可以半價升級特飲，要左富士山特飲，賣相幾靚，飲落係類似波子汽水味🗻🔸牛舌二食👅🔸A4黑毛和牛吉列牛🥩🔸雞皮餃子🥟🔸富士山特飲、檸檬梳打🗻🍹📍#頑石燒肉所 (#西環美食)西環皇后大道西393號