12個人岩岩夠一圍，一於叫個12人套餐，每人埋單200蚊多啲，都幾抵食！
菜式唔逐個講啦，因為真係好多，有滷水、胡椒豬肚湯、蝦棗墨魚餅、炸子雞、蠔餅、糖醋麵同埋幾個小炒。
好味嘅有蠔餅，夠多蠔仔，夠香脆，唔會成口粉，仲要份量都幾多！
1
胡椒豬肚湯都好飲，胡椒味濃但又唔會過咸。
炸子雞都好好食，超香脆又唔會油！雞肉亦好滑同有汁！
唯一一個好失望嘅係個滷水拼盤，雖然個餐已經好多野食，但拼盤份量偏少，例如鵝片一人都食唔到一塊，又冇墨魚海哲果啲，有朋友仔冇得食都有啲唔好意思！加上顏色唔多靚，比較深色，但又冇咩滷水味，懷疑係用老抽上色，所以真係麻麻地！
