西環Burger Joys店位置都幾隱敝, 係第一街要轉入小巷先搵到, 餐廳唔大, 枱少過10張, 不過開放式嘅設計感覺好舒適, 而且好多外國人專程黎買漢堡, 感覺有d似係外國小區一樣。
Burger Joys咁有人氣主要因為老闆選用特製方法炮製漢堡包, 包身非常鬆軟而且厚身, 上次同老婆係灣仔店食完之後一試難忘, 之後幾次去灣仔嘅時候, 老婆總要去買一個食。我地今日揀左一個芝士牛肉漢堡同雞肉漢堡share食, 另外點左杯免費Refill嘅檸檬茶同老婆嘅熱飲, 應該相當夠食。😁
芝士牛肉漢堡 $108
特製方法製作嘅漢堡包, 包身非常鬆軟帶有少少甜味, 微微烤香包身有少少脆, 手打漢堡牛肉非常新鮮, 外層煎香, 口感鮮嫩多汁, 配以鮮茄和芝士, 非常惹味。😋
雞肉漢堡 $88
雞肉超級厚, 肉質鮮嫩肉汁豐富, 配以酸酸甜甜嘅醬汁, 加上新鮮蕃茄同洋蔥, 味道層次豐富。👍
蒜香雞翼 $58
呢款雞翼外層炸脆, 沾滿濃郁嘅醬汁, 加上同樣味道香濃炸蒜, 好食到停唔到口。
最後免費Refill飲多杯Homemade檸檬茶解解膩, 非常滿足。😙
餐牌
