至尊滿屋日本料理 (Closed)

今日同朋友係旺角至尊滿屋食放題嘅時候，首先，我地分別係餐廳櫃檯同坐椅上見到幾隻蟑螂，我明白每間餐廳都會有小昆蟲出現，但係客人椅子上出現有會唔會太誇張。其次，我地叫左一盤魚生刺身，見賣相唔錯以為都會幾好啦，點知啲三文魚同帶子刺身上都有啲黑黑地嘅污跡，唔知係未洗乾淨定點，見到都唔開胃。再者，食物品質同味道都有待提升。重點黎啦，一間餐廳最緊要嘅除左係食物品質同價錢外，員工嘅態度都好重要。今日眼見以為金色曲髮及肩嘅男經理對住一位年紀較細嘅女同事呼呼喝喝，係客人面前大聲對其作出侮辱同人生攻擊嘅說話，甚至理直氣壯地冤枉該位女同事。作為旁觀者，先唔講佢對該位女同事嘅無理，係客人面前大大聲聲講咁多粗口令人難以下嚥。佢傳菜嘅時候更加將啲湯倒左落我膊頭度，sorry都冇句，真係令我地好失望