Video
Read full review
2022-06-30
768 views
自從開通東鐵線過海後，南區嘅距離好似近咗好多，住喺海怡嘅老友成日話呢間啲蟹好正，之前因為遠，一直都冇過嚟試吓，依家近左咁多，卒之有機會嘞！原來一出地鐵站就見到，超級方便喎！唔使5分鐘就到咗門口，見到入邊好大好闊落，想像唔到係街市嘅樓上！仲可以買海鮮上嚟加工添，真係方便街坊，唔怪得老友當中呢度係食堂，個個禮拜都嚟食幾餐！睇睇餐牌，選擇真係超級多，即係晩晚嚟食都可以食唔同嘅嘢，一大班人嚟食就更加啱，各適其適，唔使驚唔啱食！老友話第一次嚟，一定要試佢嘅白胡椒蟹，絕對星加坡口味，蟹點用鐵板上，嚟到先至淋個白胡椒汁上去，未食先享受個香氣！超過斤半一隻嘅菲律賓肉蟹，個蟹鉗大過我隻手，仲要爆哂肉，咬落彈牙又鮮甜，啲肉係一梳梳，好潔白；胡椒汁好香好惹味，食落令我記番多年前嘅星洲味道！店員話比我聽呢啲係菲律賓AA級肉蟹，每日新鮮到港，唔靚佢哋唔要嘅，唔怪之得咁新鮮啦👍再叫咗個原隻脆皮炸豬手，大廚用咸豬手來炸，底味已經好好，再炸到外皮脆一脆，好有風味，用嚟送啤酒一流！即刻叫枝啤酒嘩，呢度又係用冰凍嘅‘酒碗’，夠哂豪氣，下次可以一大班朋友嚟啤一啤兼大快耳朵！見到餐牌有濃湯鹹豬骨粉腸大芥菜煲，而家好少餐廳有得
原來一出地鐵站就見到，超級方便喎！
唔使5分鐘就到咗門口，見到入邊好大好闊落，想像唔到係街市嘅樓上！
仲可以買海鮮上嚟加工添，真係方便街坊，唔怪得老友當中呢度係食堂，個個禮拜都嚟食幾餐！
睇睇餐牌，選擇真係超級多，即係晩晚嚟食都可以食唔同嘅嘢，一大班人嚟食就更加啱，各適其適，唔使驚唔啱食！
招牌白胡椒蟹
$598
12 views
0 likes
0 comments
9 views
0 likes
0 comments
超過斤半一隻嘅菲律賓肉蟹，個蟹鉗大過我隻手，仲要爆哂肉，咬落彈牙又鮮甜，啲肉係一梳梳，好潔白；胡椒汁好香好惹味，食落令我記番多年前嘅星洲味道！店員話比我聽呢啲係菲律賓AA級肉蟹，每日新鮮到港，唔靚佢哋唔要嘅，唔怪之得咁新鮮啦👍
原只脆皮鹹豬手
$128
14 views
0 likes
0 comments
14 views
0 likes
0 comments
哈爾濱啤酒
$25
9 views
0 likes
0 comments
即刻叫枝啤酒
嘩，呢度又係用冰凍嘅‘酒碗’，夠哂豪氣，下次可以一大班朋友嚟啤一啤兼大快耳朵！
濃湯豬骨粉腸芥菜煲
$128
13 views
0 likes
0 comments
見到餐牌有濃湯鹹豬骨粉腸大芥菜煲，而家好少餐廳有得食，即刻叫我試吓先！
胡椒湯底夠香夠濃夠胡椒味，粉腸處理得好好冇臭味，咬落唔韌煮得夠軟淋，咸豬骨醃得夠味，份量也多，再加上大量大芥菜同煮，飲多兩碗夠晒下火！
下個月頭老豆生日，佢超鍾意食蟹，即刻訂枱同訂埋隻兩斤大蟹，到時佢實會封番封大利是比我😂😂
Post
