蟹點

Open Now

Now Closed

餐廳以藍色做主題，配以船舵等裝飾製造出水手風感覺，設室內和室外雅座，室內冷氣很夠，不用擔心吃到汗流浹背。環境比大排檔乾脆企理但又不失大排檔的氣氛呢！餐廳自設魚缸，想吃新鮮海鮮沒有難度，而且餐廳接受自來海鮮加工，又給吃海鮮的客人多一個選擇。特別的是這裏是中式和泰式菜式都有提供，菜式選擇更加多，中式泰式一次過都可以吃得到啊！這裏上菜速度都很快，一道接一道菜式上枱，很有鑊氣。♡招牌白胡椒蟹$628 🥢必點🥢蟹是用鐵板上的，可以令到蟹保溫更加長時間，職員把蟹送上枱再倒上醬汁，好像吃傳統鐵板牛扒般煙霧瀰漫，發出吱吱炸炸的聲音，感覺充滿儀式感！整隻蟹都十分大隻啊！蟹鉗也相當粗壯，蟹肉很多，也有蟹膏，配上白胡椒醬汁，味道惹味！餐廳有提供一次性的膠圍裙和手套，吃起來更方便。♡金沙黃金蝦$118金沙黃金即是鹹蛋黃，鹹蛋黃佈滿整隻蝦，下飯一流！蝦肉質新鮮大隻，蝦頭有膏，殼已經炸成脆身，可以整隻蝦連殼放入口中吃掉唷！♡脆皮炸大腸$78外皮炸得像乳豬皮般香脆，炸大腸下面有清新的菠蘿，可以去油膩感。♡瓦罉煎焗大魚咀$136 兩邊我們本來以為單是魚咀剖分，不過原來是整個魚頭，幼滑的面頰肉，充滿膠質煲裏還有大量的薑

鴨脷洲西邨蟹點，晚餐正係人都知，但係其實佢午餐嘅泰國嘢都好正，炒金邊粉呀，泰式炒飯呀之類，而佢嘅肉碎泡打飯，加隻煎蛋，更加係我嘅最愛，今日熱到跳舞，一行入嚟歡歡鬆鬆，冷氣又夠，正，呢度嘅泰式凍奶茶好有味道，有種椰椰香香嘅甜，雖然我走甜，但係都好有茶味，送個例湯更加正，呢度午市中泰混合，兩邊都咁多捧場客，咁我嘅炮打肉碎飯，魚露味好香，又唔會過份辣，係好迎合香港人口味，白飯底都好靚，份量又夠又夠乾身，呢啲肉碎撈飯個飯好重要，夠曬乾身再加一隻煎荷包蛋，市井嘅美味，就係咁樣引發出嚟，呢個味道，吸引的

夜幕低垂，鴨脷洲這間蟹點泰粤小炒王門外早已人頭湧湧，熱鬧氣氛瀰漫整個屋邨。餐廳裏燈火明亮，笑聲此起彼落，每一桌食客都滿面春風。店員利落快速，幾分鐘就安排好我哋一大班人入座，大家期待着今晚的饗宴。 一碟碟菜餚接連上枱，香氣交織，令人食指大動。招牌白胡椒蟹用鐵板呈上，熱辣辣香氣撲鼻，胡椒的辛香完美突顯蟹肉鮮甜，一啖咬落鮮嫩多汁、滿口海味，令人回味無窮。菠蘿脆皮咕嚕肉色澤金黃，外層酥脆，裡面嫩滑，搭配微酸微甜嘅醬汁同新鮮菠蘿，每一口都叫人著迷。椒鹽八味脆皮豆腐粒酥香彈牙，豆腐嫩滑中帶出椒鹽嘅香辣，引人一粒接一粒停唔到口。 孖寶菜式堪稱今晚焦點～清蒸藍瓜子斑肉質細嫩，魚鮮味極致鮮明；配埋細心調味的泰式海南雞，滑溜不膩，雞肉與香草幽香交織，食落更顯層次。蒜子火腩炆斑頭腩，火腩香氣撲鼻，炆煮至入味，膠質與魚脂在嘴裡化開，令人陶醉。泰式串燒一次過品嚐到雞、豬、牛三款肉，炭香四溢，配搭特製醬汁甘香惹味，舌尖瀰漫東南亞風情。 金銀蛋肉鬆浸菜苗翠綠清甜，加添一抹清新；香脆炸蠔餅外層金黃鬆脆，咬落蠔肉肥美鮮甜。藍妹啤酒冰涼爽口，更為這一頓加添幾分醉人氣氛。 全程談笑風生，大家在熱鬧中觥籌交錯，共度一晚美食與

今日去了海怡半島同朋友食海鮮。泰式燒魷魚選用新鮮魷魚，經過特製醃料醃製後燒烤，外焦香脆，內部鮮嫩多汁。搭配泰式醬料，帶有微辣和酸甜的風味，適合作為開胃，增添用餐的風味層次。招牌白胡椒蟹（大蟹）招牌白胡椒蟹使用大蟹，肉質鮮美且豐滿，經過白胡椒調味，香氣四溢。烹調過程中保留了蟹的鮮甜，搭配獨特的醬汁，讓人一口接一口，感受到海鮮的鮮香，絕對是海鮮愛好者的首選。元貝（蒜茸粉絲蒸）蒜茸粉絲蒸元貝是一道經典的海鮮佳餚，鮮美的元貝搭配香濃的蒜茸，蒸至肉質滑嫩，粉絲吸收了海鮮的鮮味，口感豐富。讓人一次品嚐到海鮮的鮮甜與蒜香的完美結合。

去完海洋公園玩完一輪，搭幾個站去到海怡呢邊西村街市樓上食飯。街外人未必知道呢度隱藏住一間好受本地人歡迎嘅泰粵小炒王，蟹點。絕對系海鮮大排檔加泰國菜嘅混合體，慶祝節日一家人嚟食就啱曬，系父親節聚會必選🥰呢度自設魚缸養新鮮海鮮，真材實料保證生猛，招牌白胡椒蟹用鐵板上🦀再淋上白胡椒汁又香又惹味！大大只肉蟹有斤半重，好大只且肉質鮮嫩，巨鉗內以及蟹身嘅肉好好食，蟹膏亦惹味豉椒炒花甲大只新鮮，夠曬惹味，好重要嘅系吐沙吐得好乾淨唔會食到沙。另外仲可以叫啲泰國小食，今次叫嘅燒豬頸肉有焦香，肉質爽嫩，配埋個泰式酸辣汁好好味。仲有2樣嘢強烈要叫，分別系蒜蓉包同芒果沙冰，蒜蓉包香脆好香蒜蓉牛油香；芒果沙冰非常足料，唔系假甜！🥭

呢度有港式大排檔風味，又多款港式小炒、亦有泰菜。首先，招牌白胡椒蟹，隻蟹好大隻！重點係個白胡椒調味，用鐵板上，幾香幾惹味，完全帶出咗蟹嘅鮮味！招牌脆皮咕嚕肉亦都出色！外皮炸得金黃香脆，內裡嘅肉質鮮嫩多汁，酸甜嘅咕嚕醬汁好開胃！而豉油皇炒麵炒得乾身，鑊氣十足！麵條爽口，配料豐富，豉油嘅香味夠油香！最後，蝦膏唐生菜煲，蝦膏鹹香，非常滋味！呢度餐廳環境地道有舊式，大排檔風味，而且食物種類選擇多，係而家香港少有嘅地方。

叫左6個餸，都超級難食，重要個蠔重要吾熟 員工態度又差 1. 大澳蝦醬骨 超級鹹 又乾身2. 蒜蓉炒西蘭花 根本就唔係炒 係淥熟加蒜蓉上面3. 炒金邊粉 又過酸4. 滷水鵝腸 完全冇味5. 炸蠔 入面完全吾熟6. 蒸魚 算系最好食的一個餸

蟹點鴨脷洲西邨街市地下就有樓梯行上去. 門口室內都好多座位岩多人聚會 燒豬頸肉 $88燒得幾香 估唔到泰式酸辣汁都整得唔錯泰式鳳爪 $78同去泰國餐廳差唔多味係無咁辣 招牌白胡椒蟹 $628店員會現場將白胡椒醬汁倒鐵板上所以汁都會彈, 有手套同拆殼工具. 有大量洋蔥伴碟豉汁蒸大白鱔 $148白鱔肉質爽滑帶彈性, 豉汁蒸幾好味馬拉盞炒通菜 $78可能唔係時令, 通菜唔嫩 蝦球炒滑蛋 $128好有趣係分開 蛋嫩略咸 蝦仁彈牙燒魷魚都幾軟嫩 $98炒麵係推薦 好大碟 $78黑椒薯仔安格斯牛柳粒 $148牛仔粒還好, 薯仔..芒果沙冰 龍眼冰 $40/25消暑解渴幾好飲

今日難得去到鴨脷洲，竟然俾我發現呢間隱世食蟹專門店，一定要推介俾大家！呢間蟹店喺鴨脷洲西邨街市上面，話就話街市，但係環境非常乾淨衛生，仲要有戶外座位，裝修到好似外國嘅餐廳咁，有feel～weekend同朋友屋企人嚟，超relax ！餐廳除咗蟹之外，主打特色中菜同泰菜，我見好多人都有叫佢嘅泰國嘢食，不過今日既然食蟹，就叫返兩個小菜試吓啦！招牌白胡椒蟹 $628 - 價錢平，但係物有所值！呢隻大蟹，份量十足，個蟹蓋就已經好似我隻手掌咁大，而且啖啖肉，新鮮肉厚，非常好味👍🏻👍🏻👍🏻 佢用咗星加坡式嘅胡椒煮法，少少微辣，勁惹味😍招牌咕嚕肉 $118 - 另一個招牌菜咕嚕肉，都非常高質！外皮非常香脆，熱辣辣新鮮炸起，碟上面嘅新鮮菠蘿簡直係畫龍點睛！菠蘿好香甜，中和咕嚕肉嘅濃味，加埋一齊食，撈飯絕對一流👍🏻👍🏻豉油王炒麵 $78 - 豉油王炒麵都係餐廳嘅招牌菜，大大碟，有份量，同朋友share就啱晒👍🏻泰式奶茶 $23 - 最後我叫咗杯泰式奶茶，可以少甜，非常貼身，而且質素唔比出邊嘅泰國餐廳差，好飲

到海怡花園探朋友，之後大家就到街市大樓頂樓的海鮮酒家食飯，蟹點除了海鮮選擇豐富之外、還有泰國菜式，也可以自攜海鮮加工。今晚大家心儀海鮮，而且沒有理由不食蟹。薑蔥瓦罉焗長江鰵魚 $188鰵魚炸至金黃焦香，皮脆肉嫩，薑蔥很惹味。招牌白胡椒蟹 $628避風塘蟹及白胡椒蟹的選擇，我選擇後者，除了喜歡胡椒味之外，唔想太熱氣！白胡椒汁煮出來的汁，味道唔錯，仲有洋蔥；肉蟹非常新鮮，肉質結實，吃得滿足。大澳蝦醬骨 $98蝦醬入味，果然鹹香十足，肉骨巨大肉多。藍妹啤酒 $38/支天氣炎熱，少不了啤一啤，即時降温及中和炸物之膩。啤酒夠凍，難得連碗都是凍的！去完海洋公園或行山之後來吃飯也很順路。

聽人講喺鴨脷洲有一間好食到爆嘅海鮮餐廳「蟹點」，媽咪一向最鍾意食蟹，趁住母親節，決定帶媽咪嚟食好嘢🤭嗰晚我叫咗幾味餸，全部都好好食呀！🥳 👉招牌白胡椒蟹（大蟹）呢個係佢哋嘅招牌菜，選用超新鮮嘅大蟹，配上香辣白胡椒，上枱時店員會將熱辣辣嘅白胡椒醬汁倒喺鐵板上，即時香氣撲鼻，聞到香嘅白胡椒味👍 蟹肉滑得嚟又鮮甜，蟹鉗同我隻手掌心咁大！仲有大量洋蔥伴碟，增添香味，食完一口就忍唔住想再食！簡直係海鮮界嘅明星！😎餐廳仲好貼心，俾埋圍裙同手套我哋食蟹呢，真係抵讚！🥰 👉冬陰功海鮮炒飯呢碗炒飯就好似泰國假期一樣，充滿咗冬陰功嘅香辣味，仲有新鮮海鮮嘅加持，每一口都令人心情大好，食完保證大滿足！🤭 👉炒通菜（泰式）呢道泰式炒通菜，炒得香香脆脆，加上香味十足嘅調料，健康又美味😌 👉清蒸沙巴龍躉仔最後，清蒸沙巴龍躉仔就更加唔可以錯過！新鮮到不得了，肉質鮮嫩，搭配少少醬油，真係好味到想唱歌！🥳 👉西瓜沙冰夏天嚟杯西瓜沙冰，真係清爽到飛起！西瓜味道濃烈，冰冰涼涼，唔單止消暑，仲可以令你心情好到爆！😘 👉芒果沙冰如果你係芒果迷，呢杯沙冰一定要試！香濃嘅芒果味，滑溜溜嘅口感，簡直係芒果界嘅夢幻之選！❤️ 講完嘢食，又

上星期同朋友去鴨脷洲悠閒遊，揀左呢間蟹點黎食蟹。餐廳好大，好有海洋風，藍白色主調。呢到主打粵泰風味，門口有好多海鮮缸，我地今次點左薑蔥炒蟹，金沙魷魚同泰式海南雞飯。首蟹份量好大隻，用個鐵板碟送上，滋滋聲熱辣辣，未食都流口水。蟹肉非常鮮甜，完全食得出係新鮮貨色，唔係雪藏蟹可以比得上。蟹鉗位啖啖肉，真係好滋味，好似我係新加坡食嘅蟹咁新鮮，不得了。佢哋嘅薑蔥炒得好香，但又唔會搶走蟹肉本身嘅鮮甜味，我好想下次試下其他口味，白胡椒都幾吸引。另外金沙魷魚都好新鮮，魷魚炸得金黃香，魷魚肉質彈牙，仲有d脆口，再加上特製咸蛋黃醬，邪惡好滋味。朋友點左海南雞飯，雞肉嫩滑又香，份量多，當日中午都好多附近返工嘅人嚟食，我覺得佢地揀得都有一定質素。仲有配搭泰式醬料，辣辣地夏天食就開胃。跟餐有包飲品。蟹點仲有戶外座位，今日嚟到都已經覺得好想慢活下，尤其平時返工咁繁忙，搵個舒服地方慢慢食，輕鬆一下。估唔到蟹點喺大眾點評有優惠券，用優惠券慳唔少錢，雖然本身隻蟹唔算好平，但咁嘅質素我覺得值得，好過出其他餐廳嘅蟹平少少但完成比唔上新鮮蟹，而家有優惠券就更抵食。

本人是 40年老街坊，自這店開張以來，每年家母生日都會來光顧慶祝，但明年要改餐廳了。是日天氣大好中午 30幾度，預先訂位後安排最入的 12人大枱。才步進門，我們先談服務吧...不要求你笑面迎人，但絕不是那個債主一樣的態度，好像前世欠了什麼 ?!! 行到最入的大枱，發覺冷氣沒有開，衫已汗濕的我非常難受，經濟差要慳都不是這樣吧 !!轉話題談談食物，小弟買了五斤海鮮，有些特別加工要 $70/斤再額外加錢，行內都這樣是明白的，但韭黃炒灼鮮與白灼鮮要多加 $60 ，我樣子很易騙嗎 ?!! 最後當然選擇白灼，這時節當造，絕對新解。先讚後彈，海鮮加工每樣都火候剛好，帶出應有鮮味，尢其過兩斤重的蒸魚，骨位剛好粉嫩，在家難以做到。至於廚房小炒，大不如前。斀了 "6大皇牌招菜" 之中的兩樣 : 脆皮咕嚕肉，豉油皇炒麵，前者絕不脫皮，比兩送飯還要差。後者味道可以，但沒有火候不乾身，幸好碟底沒有油，算是可接受。另外點了芥末沙律大蝦球，味道平衡，但與咕嚕肉一樣的死症，走油後的東西竟然不脆更是淋...天呀 ! 鹵水鵝片三併，評分 60，食剩半碟就是答案，鹵水...還是到純正打冷舖好了。首先要讚讚樓面所有員工，雖然

友人生日到左海洋公園玩左成日，玩到盡興就要搵美食啊，知佢喜歡食蟹，一早就預約左蟹點開餐囉。餐廳環境乾淨，除左蟹係招牌菜外，還有套餐、泰式同潮州食品可供選擇，唔怪得甘多人嚟開餐囉。點了至正嘅招牌白胡椒蟹🦀，上枱時店員將白胡椒醬汁倒在鐵板上，即時聞到香氣撲鼻的白胡椒味。蟹🦀大隻新鮮，蟹鉗同我隻手掌🖐️咁大，多肉味道鮮甜，十分惹味，仲有大量洋蔥伴碟，增添香味。豉汁蒸大白鱔，白鱔肉質爽滑有彈性，豉汁蒸好好味又惹味。南乳炆粗齋，材料有茄子🍆、支竹、西蘭花🥦、芥蘭、冬菇同埋粉絲，南乳味香煮得入味，啱晒我地胃口。點埋啤酒🍻，邊食邊嘆巧爽呀😊。

帶媽媽去吃蟹！充滿驚喜！😋避風塘炒辣蟹$648✨避風塘炒辣蟹真係一絕！呢道菜用新鮮海蟹炒，蟹肉肉質鮮嫩，加上特製香辣醬汁，帶咗唔同層次嘅味道，啖啖都係享受，食得人想再叫多一隻！😋豉汁蒸白鱔$148✨再講下豉汁蒸白鱔，白鱔肉質滑溜，輕輕一蒸就保留咗海鮮嘅鮮味，配搭香醇嘅豉汁，真係食到回味無窮，完全停唔到口！😋脆皮炸大腸$78✨最後，脆皮炸大腸外脆內軟，炸得金黃香脆，一咬下去 juices 即刻流出，味道濃郁，沙沙聲好過癮，仲可以搭埋啲醬料，超正！🤗呢三道菜各有特色，每一口都係驚喜，無論係分享定自己享用，都絕對值得食！👍🏻👍🏻