雲家小鍋米線 (328廣場)

Open Now

Now Closed

今晚諗住係荃灣 join 埋老公回家，經過發現一間米線店就近近地就諗住同老公食埋先翻屋企，他剛從廣洲回來應該會肚餓，所以食飽回家唔使再等我煮。店內都差不多滿，電話響外賣，客人又係外賣，就知佢地都幾受歡迎，感覺似屋企，我見剛有位即刻入內坐底啦! 果然無失望價錢合理，小食米線款式選擇亦多，辣亦分酸辣或麻辣！啱晒嘗辣嘅老公，要左大辣佢話超爽喎，小鍋腩肉豬大腸米線，睇落唔覺辣，食落慢慢滲出酸酸辣辣。雲家米線 $52何其澎湃，材料十足，配料有腐竹，冬菇(超厚肉同你吸引晒湯美味), 雞絲，雞翼，魚肉春卷，螺旋草，紅腸，芽菜，酸菜，韭菜，蔥，芫茜。見到已經震撼滿滿餸呀，啱晒我呢個大胃皇，夠滿足。比menu參考吓涼伴墨魚頭唔算辣超彈牙爽口，醮點醋更鮮味。蒜泥白肉無乜辣味蒜泥唔夠幼細，咬落較粗嚡，白肉都薄薄地，但有軟骨要小心 d食。