Video
Read full review
2022-02-07
40 views
今日有機會同女朋友試吓石鍋蒸海鮮。這個尊貴海鮮套餐總共有10道菜：1）深海海星班（兩人半條蒸）加咗薑蔥蒸6分鐘後肉質彈牙細嫩沾上蒸魚豉油不失清蒸星斑嘅鮮和甜！2）越南大虎蝦（3分鐘）今次唔係開邊蒸蒜蓉而係清蒸，大大隻，肉質飽滿，新鮮彈牙。點上自己調嘅辣椒豉油。正！3）台灣九孔鮑魚（2分鐘）平時蒸鮑魚會加上陳皮，今次清蒸。原汁原味，也不用點豉油，肉質鮮甜有咬口。4）韓國興南珍珠蠔（4分鐘）清蒸4分鐘啱啱熟，海水味衝入鼻腔，蠔嘅鮮味同食生蠔不遑多讓。5）大西洋野生青口（4分鐘）再食清蒸青口,少咗法式焗青口嘅芝士味,但突出咗新鮮青口嘅鮮甜！6）紐西蘭刀背蚌（2-3分鐘）7）紐西蘭月亮貝（2-3分鐘）兩者外型上雖然有分別，長形係刀貝、圓嘅係月亮貝。平時好少食，但味道都好相似，一樣咁鮮甜。8）西澳洲青年龍蝦（5分鐘）一點都不輸給澳洲大龍蝦，肉質紮實彈牙。侍應建議將蝦頭放入鍋底白粥裏面以增加白粥鮮味。9）菲律賓奄仔蟹（8分鐘）壓軸登場嘅係菲律賓奄仔蟹，黃多肉厚。女友嫌食蟹麻煩，所以今次可以獨食成隻，淨係拆蟹鉗肉俾佢！不愧係海鮮蒸氣石鍋嘅鎮山之寶，果然有水準！10）有機蔬菜籃（3分鐘）食完咁多海鮮都
1）深海海星班（兩人半條蒸）
加咗薑蔥蒸6分鐘後肉質彈牙細嫩沾上蒸魚豉油不失清蒸星斑嘅鮮和甜！
2）越南大虎蝦（3分鐘）
今次唔係開邊蒸蒜蓉而係清蒸，大大隻，肉質飽滿，新鮮彈牙。點上自己調嘅辣椒豉油。正！
3）台灣九孔鮑魚（2分鐘）
平時蒸鮑魚會加上陳皮，今次清蒸。原汁原味，也不用點豉油，肉質鮮甜有咬口。
4）韓國興南珍珠蠔（4分鐘）
清蒸4分鐘啱啱熟，海水味衝入鼻腔，蠔嘅鮮味同食生蠔不遑多讓。
5）大西洋野生青口（4分鐘）
再食清蒸青口,少咗法式焗青口嘅芝士味,但突出咗新鮮青口嘅鮮甜！
6）紐西蘭刀背蚌（2-3分鐘）
7）紐西蘭月亮貝（2-3分鐘）
兩者外型上雖然有分別，長形係刀貝、圓嘅係月亮貝。平時好少食，但味道都好相似，一樣咁鮮甜。
8）西澳洲青年龍蝦（5分鐘）
一點都不輸給澳洲大龍蝦，肉質紮實彈牙。侍應建議將蝦頭放入鍋底白粥裏面以增加白粥鮮味。
9）菲律賓奄仔蟹（8分鐘）
壓軸登場嘅係菲律賓奄仔蟹，黃多肉厚。女友嫌食蟹麻煩，所以今次可以獨食成隻，淨係拆蟹鉗肉俾佢！不愧係海鮮蒸氣石鍋嘅鎮山之寶，果然有水準！
10）有機蔬菜籃（3分鐘）
食完咁多海鮮都係時候食返啲有機蔬菜！
食完菜輪到石鍋底下便嘅白粥。已經滲入咗之前全部海鮮嘅精華，所以白粥底好鮮甜！
因為第五波疫情，所以今日只有我哋一枱客。經理話送兩個糖水俾我們品嘗吓，係椰汁雪燕糖水！
Post
