Video
Read full review
2014-01-15
1540 views
我們蘿拔兔的第一篇食評，還望大家多多指教！第一篇，不用想就知道要寫勝香園！蘿拔妹在中西區長大，對這裡的街道頗為熟悉，但卻到大學才懂得欣賞勝香園的地道港式美食，更會時不時勝香園癮起！這天上班日相約蘿拔仔去勝香園吃午飯，來到卻發現今天竟然不是排隊的！而是自己找個地方等檯，有點兒危險呢。十分鐘內就有位，剛坐低蘿拔仔蘿拔妹已經知道要叫咩，因為我地每次都會叫茄牛面，檸蜜脆脆加凍奶茶或者鹹檸七的嘛xddd茄牛面有香濃又夠酸的番茄湯底，仲有鋪滿面的番茄肉！雖然系罐頭番茄，但呢個combination我實在太中意！至於公仔面我中意唔太軟身，勝香園都系我杯茶，唯一不足就系牛肉已經用鬆肉粉na到無味。講到我最最最最喜愛，每一次都要叫的當然系檸蜜脆脆！個麵食到一半脆脆就差不多到。不但夠香脆，檸汁蜜糖落得夠，就算多牛油都唔會膩！！！真系超級中意食呢個！另外凍奶茶（我有叫少甜）都好有驚喜，順喉得黎有奶香，系我非常中意既港式奶茶味道。不過講真咖啡奶茶呢d野好講個人口味的另外蘿拔仔叫左鹹檸七，同之前幾次一樣夠鹹檸，夏天飲就正！（不過而家冬天唔使食到汗流浹背都不錯xd）。爸爸說過當年勝香園每杯鹹檸七都用人手督鹹檸，當
蘿拔妹在中西區長大，對這裡的街道頗為熟悉，但卻到大學才懂得欣賞勝香園的地道港式美食，更會時不時勝香園癮起！
這天上班日相約蘿拔仔去勝香園吃午飯，來到卻發現今天竟然不是排隊的！而是自己找個地方等檯，有點兒危險呢。
十分鐘內就有位，剛坐低蘿拔仔蘿拔妹已經知道要叫咩，因為我地每次都會叫茄牛面，檸蜜脆脆加凍奶茶或者鹹檸七的嘛xddd
茄牛面有香濃又夠酸的番茄湯底，仲有鋪滿面的番茄肉！雖然系罐頭番茄，但呢個combination我實在太中意！至於公仔面我中意唔太軟身，勝香園都系我杯茶，唯一不足就系牛肉已經用鬆肉粉na到無味。
講到我最最最最喜愛，每一次都要叫的當然系檸蜜脆脆！個麵食到一半脆脆就差不多到。不但夠香脆，檸汁蜜糖落得夠，就算多牛油都唔會膩！！！真系超級中意食呢個！另外凍奶茶（我有叫少甜）都好有驚喜，順喉得黎有奶香，系我非常中意既港式奶茶味道。不過講真咖啡奶茶呢d野好講個人口味的
另外蘿拔仔叫左鹹檸七，同之前幾次一樣夠鹹檸，夏天飲就正！（不過而家冬天唔使食到汗流浹背都不錯xd）。爸爸說過當年勝香園每杯鹹檸七都用人手督鹹檸，當然今日這麼受歡迎，用攪拌機都無可厚非。
個人這麼喜歡勝香園既原因，除左食物用心製作，還有有風味的大排檔環境。據說政府只會繼續發牌比現時的持牌人。如果持牌人過身就應該唔會再發牌。所以我經常都同自己講：勝香園，食一次真系少一次。
最後仲想讚下勝香園既阿姐，系甘多人既時間都手快，好脾氣，無漏單，有你地勝香園先令我甘回味！
Post
