Video
Read full review
2024-04-24
52 views
約咗朋友聚舊，想搵間坐得舒服又有情調嘅餐廳，上網見有人推介瑞生尖沙咀酒店入面嗰間「The Pearl」。餐廳以近代美術為概念，設有室內和戶外空中花園，店內裝潢高雅，以黑白橙為主調，而露天區則用上大量植物作點綴，充滿大自然氣息，令人感覺舒適愜意。大廚擅長炮製多國菜，餐單融合了意大利菜與日本料理嘅精髓，我哋點咗👇 秘魯吞拿魚拌蕃茄莎莎配香烤鱈魚脆片及黑醋汁 ($68) 吞拿魚軟熟幼滑，入口帶有魚香，蕃茄莎莎酸酸甜甜，好醒胃，加埋又薄又脆嘅鱈魚片，用嚟送酒一流！蒜片橄欖油封大蝦配佛卡夏多士 ($88) 大蝦好新鮮，爽彈有蝦味，多士烘到脆卜卜，沾上充滿蒜香味嘅橄欖油及蒜片吃，非常惹味。和風原隻璣煮鮑魚配野菌意大利飯 ($288) 鮑魚以日式醬油及昆布慢火炆煮而成，食落清甜又帶有酒香，十分入味。意大利飯煮得啱啱好，米粒硬度適中，同濃香嘅野菌簡直係絕配。慢煮西班牙黑毛豬鞍架 ($188) 豬鞍架勁大塊，厚度十足，肉質好嫩滑，熟得嚟又唔會嚡口，配埋墊底嘅炸薯角同椰菜仔食，超豐富，滋味又滿足。飲品點咗 2 杯 mocktail，Passionate Night ($100) 同 Rosy Ro
約咗朋友聚舊，想搵間坐得舒服又有情調嘅餐廳，上網見有人推介瑞生尖沙咀酒店入面嗰間「The Pearl」。
餐廳以近代美術為概念，設有室內和戶外空中花園，店內裝潢高雅，以黑白橙為主調，而露天區則用上大量植物作點綴，充滿大自然氣息，令人感覺舒適愜意。
大廚擅長炮製多國菜，餐單融合了意大利菜與日本料理嘅精髓，我哋點咗👇 
秘魯吞拿魚拌蕃茄莎莎配香烤鱈魚脆片及黑醋汁 ($68) 吞拿魚軟熟幼滑，入口帶有魚香，蕃茄莎莎酸酸甜甜，好醒胃，加埋又薄又脆嘅鱈魚片，用嚟送酒一流！
蒜片橄欖油封大蝦配佛卡夏多士 ($88) 大蝦好新鮮，爽彈有蝦味，多士烘到脆卜卜，沾上充滿蒜香味嘅橄欖油及蒜片吃，非常惹味。
和風原隻璣煮鮑魚配野菌意大利飯 ($288) 鮑魚以日式醬油及昆布慢火炆煮而成，食落清甜又帶有酒香，十分入味。意大利飯煮得啱啱好，米粒硬度適中，同濃香嘅野菌簡直係絕配。
慢煮西班牙黑毛豬鞍架 ($188) 豬鞍架勁大塊，厚度十足，肉質好嫩滑，熟得嚟又唔會嚡口，配埋墊底嘅炸薯角同椰菜仔食，超豐富，滋味又滿足。
飲品點咗 2 杯 mocktail，Passionate Night ($100) 同 Rosy Romance ($100)，前者以百香果及提子汁炮製，果味好香甜；而後者則以蘋果汁、蜜糖及冷泡玫瑰茶調校，入口 Fruity 又有茶香。
Post
