樓下冰室

突然好想食啲港式餐廳, 所以就同朋友去咗食呢間樓下冰室。裡面大概可以坐到40-50人, 估唔到平價冰室都有港式感覺既設計, 而且不斷強調蕃茄,令我更加期待佢嘅番茄濃湯通粉

1

其實見到好多嘢都好想食, 但梗係叫咗招牌食先, 蕃茄濃湯加炒蛋通粉, 再配左個瑞士雞髀. 朋友就叫咗自家製叉燒滑蛋飯。

特色蕃茄濃湯通粉配牛乳炒蛋+招牌瑞士雞髀$50

份量算多, 蕃茄湯果然好濃郁, 湯底比較濃稠, 更會有蕃茄蓉, 睇得出湯底真材實料. 炒蛋用上牛乳, 果然好滑身, 仲有奶香, 好似食緊蕃茄炒蛋咁!!!

特色蕃茄濃湯通粉配牛乳炒蛋

$50

勁多蕃茄蓉！！！

招牌瑞士雞髀
超香瑞士汁, 雞髀已經勁入味, 而且好大隻, 啖啖都係肉, 咁樣配埋通粉, 超抵！

瑞士雞髀

自家製叉燒滑蛋飯 $50
估唔到佢其他飯都整得幾好食, 份量好多, 一個男仔都夠食. 飯偏冧身, 個人會喜歡粒粒分明多啲xd 但蛋好滑身, 叉燒肉質嫩滑, 再加上豉油同蔥花 好正

自家製叉燒滑蛋飯

$50

雞湯浸雜菇娃娃菜 $36
叫咗個菜, 分量超多, 超足料,爭啲食唔晒xd

雞湯浸雜菇娃娃菜

$36

紅豆冰+綠椰冰
除咗番茄湯同雞髀之外, 又一令我心心眼嘅係佢既飲品, 紅豆冰可能都好多地方有得飲, 反而綠豆冰就唔多, 用上綠豆蓉加椰汁, 好好飲!!兩杯紅豆同綠豆嘅份量都好多, 唔怕食晒啲豆, 淨係得返椰汁xd

1

紅豆冰 綠椰冰

$22

整體都好食. 晚餐呢個價錢都算唔錯, 性價比很高為着佢嘅番茄湯同瑞士雞髀同飲品, 會再去食！