至尊滿屋日本料理 (Closed)

我同我bb終於可以一齊放假，但係落大雨囉😭唯有去d室內地方行下街食下野！最後，行到好攰好累，就決定大吃一餐，食放題啦！經過網友嘅介紹下，我地就決定食呢間放題！入到餐廳，員工禮物同服務都ok，環境同坐位都舒服！我地就緊係拎曬d紙出黎畫野先啦！刺身拼盤三文魚好厚切，都幾肥美，深海大赤蝦都幾爽口同鮮甜👍🏻我要推介大家食赤貝，好新鮮，又大塊又爽口卷物同創作壽司基本上我地每件都藝款黎試吓，賣相唔錯，味道都ok，細細件，冇咁易飽肚👍🏻鮮蝦海鮮生春卷，都幾特別炸物我地就叫左炸吉列蠔同都炸一口芝士，蠔都好濃味，芝士都好香，炸物都好脆北海道焗廣島蠔好香好濃嘅芝士白汁味，廣島蠔都幾大隻，幾鮮甜蒲燒鰻魚鰻魚都燒得幾入味，我bb瘋狂叫牛油粟米我bb話佢食親放題都必食😂😂確實係整得唔錯，好香牛油味，又夠甜甜品甜品款式都幾多架，又有蛋糕又有生果，可以自己出去甜品櫃到拎！最後嘅重點每人都可以有一杯movenpick 嘅雪糕，太爽啦！我叫左朱古力，我bb叫左意大利奶凍，兩杯都好好味總括來講，間放題選擇食物多，服務同環境都唔錯，大家可以值得一試！