唐宮小聚 (The L. Place)

Open Now

Now Closed

萌爆精緻點心✨唐宮小聚✨2020捱得好辛苦，當然要食得好啲，對自己好啲。之前下午食過「唐宮小聚」覺得唔錯，今次專登帶埋蝦子餅嚟試吓🥰中環呢間「唐宮小聚」環境好寬敞好大，位與位之間都相隔好遠，坐得好舒服。見到有特別推介，我哋揀咗幾樣「白玉王鴿」特價$39一隻皮脆肉嫩好香口「火焰菠蘿🍍」$129其實係少少辣嘅菠蘿牛肉，蝦子餅大讚呢道菜好美味，仲話下次要帶客戶嚟試吓。上枱嘅時候仲會點火添🔥「陳釀醉蟹」$79呢道菜好特別，第一次食醉蟹，個感覺好似食緊醉雞咁，但係又有蟹嘅鮮味同酒嘅香味。最估唔到呢個竟然係冷盤，係凍食嘅。啖啖蟹膏好滋味。「蟹粉麻球」$89外層口感似煎堆仔，內層係蟹粉球，但唔算蟹粉味濃，普普通通。「和牛啤梨」$49呢個賣相相當精緻可愛，好似一個迷你小啤梨，口感如同鹹水角，入面包住黑椒和牛，相當滋味。蟹痴如我緊係要叫「知粥常樂」$49其實係海鮮蟹粥，鮮味無窮，仲有唔少蟹肉，每一啖都好香濃。去到尾聲我哋都食唔落個「荷花蒸飯」$99已經好飽了，決定打包返屋企慢慢食。甜品我哋叫咗相當可愛嘅「十三么麻雀」$49其實係椰汁糕嚟嘅，相當神似。「唐宮小聚」每一道菜都好花心思擺盤，款款都精緻可愛，賣