Video
Read full review
2025-01-13
535 views
臨近新年，福建菜專門莆田推出多款新年套餐，適合2至10人，吉祥、如意、鴻運三款套餐豐儉由人，我哋揀咗如意二人餐$888埋單時送咗新春套餐同盆菜買滿$1000減$100優惠券，但其實見到外面宣傳品冇券都有優惠🤣 詳情可以向餐廳查詢風生水起•煙三文魚撈起店員席前將配料逐一倒入沙律，連帶相關嘅祝賀語，例如紫菜係紫氣東來、萬紫千紅；炸麻花係遍地黃金，再一齊撈起，撈到風生水起，好有意頭😍除咗玩得都好食得，色彩繽紛嘅沙律好新鮮，加上調味粉同醬料、柑橘乾，清新開胃盆滿缽滿•鮑魚大蝦盆菜 人均唔使$500咁豐富嘅套餐，當中嘅盆菜竟然用料都好珍貴！鵝掌同豬手大大隻充滿膠質、花菇厚身柔滑、海參同魚鰾都鮮甜彈牙，仲有燒肉、瑤柱、福州魚蛋、大蝦、蟶子等等，真正的「滿盆都是寶」鴻運當頭•海皇魚翅羹除咗海鮮仲有肉絲，湯羹鮮甜好足料萬事勝意•鮮貝燴絲瓜芡汁稠度適中，盡顯鮮貝鮮甜媽祖平安麵麵條濕潤但唔會太糊，連同花菇、蝦肉、炸排骨等等非常豐富甜甜蜜蜜•桂圓銀耳食咗咁多道菜已經非常飽足，再送上一碗熱辣辣甜甜蜜蜜嘅桂圓糖水係圓滿結束
埋單時送咗新春套餐同盆菜買滿$1000減$100優惠券，但其實見到外面宣傳品冇券都有優惠🤣 詳情可以向餐廳查詢
風生水起•煙三文魚撈起
店員席前將配料逐一倒入沙律，連帶相關嘅祝賀語，例如紫菜係紫氣東來、萬紫千紅；炸麻花係遍地黃金，再一齊撈起，撈到風生水起，好有意頭😍
除咗玩得都好食得，色彩繽紛嘅沙律好新鮮，加上調味粉同醬料、柑橘乾，清新開胃
盆滿缽滿•鮑魚大蝦盆菜
人均唔使$500咁豐富嘅套餐，當中嘅盆菜竟然用料都好珍貴！鵝掌同豬手大大隻充滿膠質、花菇厚身柔滑、海參同魚鰾都鮮甜彈牙，仲有燒肉、瑤柱、福州魚蛋、大蝦、蟶子等等，真正的「滿盆都是寶」
鴻運當頭•海皇魚翅羹
除咗海鮮仲有肉絲，湯羹鮮甜好足料
萬事勝意•鮮貝燴絲瓜
芡汁稠度適中，盡顯鮮貝鮮甜
媽祖平安麵
麵條濕潤但唔會太糊，連同花菇、蝦肉、炸排骨等等非常豐富
甜甜蜜蜜•桂圓銀耳
食咗咁多道菜已經非常飽足，再送上一碗熱辣辣甜甜蜜蜜嘅桂圓糖水係圓滿結束
Post
